外婆谣

外婆謠，也謳搖啊搖，外婆橋，是一種吳越各地都有流傳个童謠類型。一般以「搖啊搖，搖到外婆橋」開頭。有同名个慈溪話歌，也有各地吳語个翻唱。

各地版本

上海

版本一

搖啊搖，搖啊搖，搖到外婆橋，外婆叫我好寶寶，一隻饅頭一塊糕。

版本二

搖啊搖、搖到外婆橋，外婆叫我好寶寶。糖一包，果一包，外婆買條魚來燒。頭嘸熟，尾巴焦，盛在碗裡吱吱叫，吃拉肚裡呼呼跳。跳啊跳，一跳跳到賣魚橋，寶寶樂得哈哈笑。

版本三

搖啊搖、搖到外婆橋，外婆叫我好寶寶。請喫糖，請喫糕，糖啊糕啊𠏕喫飽。少喫滋味多，多喫滋味少。

版本四

搖啊搖、搖到外婆橋，外婆叫我好寶寶。我叫外婆洋泡泡，外婆罵我小赤佬！

宁波

版本一

搖呀搖，搖到外婆橋。外婆來該訪棉花，舅舅來該摘枇杷，舅姆樹上拗朵花，蹺得蹺得走人家。人客來蒞勿瀉茶，咯囉咯囉辱人家。

版本二

搖呀搖，搖到外婆橋。外婆來該訪棉花，舅舅來該摘枇杷，看見人客嘎嘎笑，又搭矮凳又倒茶。糖一包，果一包，還有三塊黃年糕。

歌曲

《外婆謠》也畀寫作歌曲，是甜貓貓演唱，高東填词，謝浩生谱曲个首歌，用慈溪話演唱。

箇歌在吳語圈扗風行，畀翻唱成吳越各地閒話，比方講紹興話、蘇州話、衢州話、常州話、上海話許，也有標準吳語个版本。