光速

光速，意指光拉真空中个速率，是一个物理常量，一般记作c，精确值为299,792,458 米每秒（≈3.00×10 8 m/s）。箇一数值之所以是精确值，是因为米个定义就是基于光速搭国际辰光标准上个。

物理学中个基础地位

光拉真空中个传播速度独立于波源个运动搭观测者个惯性参考系。1865年，詹姆斯·克拉克·麦克斯韦提出光是一种电磁波，因此必须以渠个电磁理论中所出现个速度c传播。拉麦克斯韦电磁理论个推进下，再加上无法证明以太个存在，爱因斯坦于1905年首次提出“光速弗变”迭一公设。渠从迭一点推导出狭义相对论，并证明常数c拉光搭电磁波个范畴以外也有举足轻重个地位。

狭义相对论有得弗少有悖常理，却有实验证明个结果，例如质能等价（E = mc2）、长度收缩（运动中个物体长度会缩小）搭时间膨胀（运动中个时钟走得更慢）等。长度缩减搭时间加长个比率γ称为洛伦兹因子，渠个定义为γ = (1 − v2/c2)−1/2，其中v是物体个运动速度。拉速度v比c小咾多个情况下（包括大部分日常所看到个慢速运动），γ咾接近1。迭个辰光狭义相对论就可以近似为经典力学中个伽利略相对性。然而拉v邪气接近c辰光，γ趋向无限大，相对论性现象也就会呈现出来了。