Bulang

An bulang o sabong kay an pag-aaway hin duha nga mga sunoy ngada hit ira kahibang o kamatay kun diin ginpupurustahan han mga magkurulaw kun hin-o iton magdadaug. Ini kay usa nga klasi hin huygo pero puydi liwat makonsidira nga panbansa nga mulay ha rason mga bantog ini nga buruhaton ha iba-iba nga parti han Pilipinas ngan bisan ha bug-os nga kalibutan.

Panhitabo

An bulang kay nahihitabo ha sakob hin usa nga cockpit, madanay ini malidong o kahon nga haligot nga arena para han duha nga sunoy. Ibubutang han mga tag-iya an ira sunoy ha butnga para patikangan an away han mga sunoy. Mayda usa nga tawo inin manginginano hini nga away para makit-an ngan mabantayan an mga panhitabo samtang nag-aaway an mga sunoy. Magdadaug it usa nga sunoy kun diri na maka-ato, makakiwa o patay na an usa nga sunoy. Tatagan hin primyo an tag-iya han sunoy nga nagdaug ngan an mga magkurulaw nga pumusta han nagdaog nga sunoy.