Mathieu Elias

Portret van en't begun van den uutleg over Mathieu Elias in La vie des peintres flamands, allemands et hollandois (1760) van Jean-Baptiste Descamps

Mathieu Elias (Zuudpeene, 1658 - Duunkerke, 22 april 1741) wos e Frans-Vlamsche schilder.

Elias wos geboorn in e vrêe arme familje, toen em klêen wos moeste em kykn achter 't vee totda tie wierd ipgemerkt deur de Duunkerksche schilder Philippe De Corbehem en Elias by em in de lêer mochte. Achter êenigte joarn in zyn dienste, gienk Elias round 1678 na Parys, verzeker wierd em er lêerling an de Académie de Saint-Luc. Achter doctor te zyn gewist an de Sorbonne, klemde Elias ip en kwam mêester in 1684. In 1709 trouwde ie in Parys, mo achter de dôod va zyn vrouwe kêerde em were na Duunkerke. Ondertusschen ad ie d'ôogste groade behoald an de Académie en ad ie e goede reputoasje. Je kreeg surtout vele commandn vo religieuze gebouwn te versiern. Je stierf ip 22 april 1741 by em thuus in Duunkerke.

Van zyn werkn bevindt L'Ascension du Seigneur em in de kerke van Noordpeene. De Sint-Elooiskerke in Duunkerke en't musée du Mont de Piété in Bergn bezittn ôok tableaus van Elias.