Kodinsk

Kodinsk
Кодинск

Lidnanznam	Flag
Valdkund	Venäma
Eläjiden lugu (2020)	15,653 ristitud
Pind	27 km²
Pämez'	Oleg Želäbin (sügüz'ku 2020—)
Telefonkod	+7−39 143-xx-xxx
Avtokod	24, 84, 88, 124
Aigvö	UTC+7 (MSK+4)

Kodinsk (ven.: Ко́динск) om Venäman lidn Krasnojarskan randan päivnouzmas. Se om Kežman rajonan administrativine keskuz (vspäi 1988).

Istorii

Eländpunktan aluz om pandud vl 1977 žiloks sauvomha Bogučanan GES:ad. Žilo sai lidnan statusad vl 1989.

Geografijan andmused

Lidn sijadase taigamecoiš ümbri, Angaranjogen hural randal, 287 m ü.m.t. keskmäižel korktusel, 12 kilometras Bogučanan gidroelektrostancijaspäi. Matkad Krasnojarskaspäi om 476 km pohjoižpäivnouzmha orhal vai 700 km avtotedme. Lähembaižed lidnad oma Ust'-Ilimsk (Irkutskan agj) 220 km päivnouzmha orhal vai 440 km avtotedme, Bratsk (Irkutskan agj) 340 km suvipäivnouzmha avtol i Kansk 335 km suvipäivlaskmha orhal vai 470 km avtotedme.

Lidnan territorijan klimat om Edahaižen Pohjoižen arvoimižihe tazostadud.

Siromolotovo-külä (ven.: деревня Сыромолотово, 126 rist. vl 2017) mülüb lidnankundha Kodinskan ližaks. Lidnankundan pind — 28,81 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 14 873 ristitud, lidnankundan — 15 007 ristitud, rajonan koume nelländest. Vl 2017 kaik 16 312 ristitud elihe lidnas, se oli kaikiš suremb ristitišt kaikes aigas, i 16 438 ristitud kaikes lidnankundas.

Ortodoksižen hristanuskondan Pühän Jumalanmaman Katken jumalanpert' om letud vodele 1999.

Edeline lidnan pämez' om Vladimir Govorskii (keväz'ku 2006 — sügüz'ku 2020).

Openduzsijad

Keskškol nomer 2, vn 2021 nägu

Nügüdläižen aigan ratas Kodinskas:

Školad

• Kodinskan keskškol № 2
• Kodinskan keskškol № 3
• Kodinskan keskškol № 4
• Lapsen- da norištonsportškol
• Muzikškol.

Ližaopenduz

• Ližaopendusen keskuz lapsiden täht
• Lapsiden sädamižen keskuz.

Professionaline openduz

• Angaranverine politehnine tehnikum (PŠ-67 enččel).

Massižen informacijan abutused

Lehtesed

Rajonine lehtez lähtleb Kodinskha:

• Kundaliž-politine «Nevondkundaline Angaranver'»-lehtez

Televizii

Neniden federaližiden TV-kanaloiden signalad ottas lidnas kaikjal: «Ezmäine», «Venäma», STS-Kodinsk, REN TV, «Jenisei» (Krasnojarskan randan valdkundaline TV-kanal). «Kodinskan lidnalaižen TV-radiokompanijan» programad lähttas regulärižikš STS-Kodinsk:an paksudel.

Om voimust lidnas ühtneda analogižhe kabel'televizijha, AAS «Kabel'televizijan verkod» anttas necidä voimust. AAS «DKV» (Digitaližed Kabel'verkod) tegeb ühtnemižen digitaližhe TV:ha vanutud paran turbiš.

Internet

Kaik viž internet-provaiderad ratas lidnas: SRV «Radiosväz'», PAS «Rostelekom», IE Trofimov (Wi-Fi, katab kaiked lidnad), SRV «IT Telekom».

Mobiline sido

Kaik nell' operatorad ratas mobiližen sidon GSM-standartad lidnas, kuti randan-ki territorijal:

• Bilain
• Tele2 (ETK enččel)
• MTS
• MegaFon (üks'jäine nelländen sugupol'ven verkonke — 4G)

Ekonomik

Tehmine

Järedad edheotandad ratas lidnas:

• Bogučanan GES
• Angaranveren Mecanümbriradmižen kompleks
• Kodinskan Mecanümbriradmižen kombinat.

Bankad

• Sberbank
• Binbank
• Sovkombank
• Azialaižtünvaldmerine Bank

Mugažo koume ekspresskredituindan sijad ratas «Merkurii»-torguindkompleksas: Päivnouzmaine ekspressbank, Houm kredit end finans bank, OTP-Bank.

Torguind

• «Merkurii»-torguindkompleks
• Torguindkeskused: «Aleksandrovskii», «Laim»
• Supermarketad: «XXI. voz'sada», «Baikal», «Favorit», «Fortuna», «Sever», «Stels»
• Sauvondmarket «Stroi-ka».

Kundaline sömine

• Restoranad: «Berendei», «Grand»
• Öline «Blüz»-klub
• Kafe-barad: «Angara», «Fregat», «Jeralaš»
• Kafed: «Kal'huziden sar'», «Navigator»

Mugažo voib pakitoitta lidnas sušid, rollad, picc, šašlik, uzbekine plov, tortad satandanke kodihe.

Galerei

• 
  Kežman rajonan keskuzläžundkodi (2020)
• 
  GTO:n lavut «Lan'»-suks'bazal (2013)
• 
  Bogučanan GES vl 2014
• 
  «Lüks»-adivpert' vl 2021
• 
  Avtobusstancii vl 2013

Irdkosketused

• Municipaližen «Kodinsk-lidn»-ühtnikan tobmuden aluzkundoiden oficialine sait (admkodinsk.ru). (ven.)
• Kodinsk mojgorod.ru-saital. (ven.)