Kezasad

Kezasad (ven.: Летний сад) om puištansambl' Piterin Keskuzrajonas, sijadase ühtennimižel sarel 12 ga pindal. Sadčomamahton 18. voz'sadan ezmäižen koumandesen muštnik, lidnan kaikiš amuižemb sad.

Projektiruiba da sauvoiba: Nikolai Bidloo, Ivan Matvejevič Ugrümov (Ivan Matvejev)^[1], Jan Roozen, Žan-Batist Leblon.

Istorii

Sad om pandud vl 1704 Suren Petran käskön mödhe i oli regulärine eziauguižin. Saudihe vhesai 1719 carin kezaližeks rezidencijaks, Petran I Kezaline pert'kulu om kaičenus tähäsai. Territorii oli alištunu melioracijale da äjile pudotesile ištutamha puid, kerdalaz tehtihe fontanid da uitoid. Ezimeletadihe sadud fontaniden puištoks ezikät, ottihe vet Nimetomas Erikaspäi, ka nimitihe sidä Fontankaks. Vll 1710−1777 sad jagoihe kahteks palaks (Ezmäine i Toine Kezasadud), sid' ühtištadihe niid. Tulend sadhu oli röunatud.

Luja sur'vezi mureni fontanid i niiden vezivaratoitandan sistemad vn 1777 21. sügüz'kud, i jäl'gestunu modad Jekaterina II tegi pätandad fontaniden čuraduses, «vezi joksi niiš londusetomil teil» francijan i tiranijan kartte (kirjeižespäi Vol'terale). Imperatornaine oli anglijan saduiden (reguläritomiden, landšaftan) i liberalizman polenpidajaks. Ei olend fontanoid sadus hätkemb mi kaks' voz'sadad.

Kezasad eli läbi sures kohenduses da rekonstrukcijas vll 2009−2011. Sen aigan kahesa fontanad oma udessaudud arheologijan kaivandusiden andmusiden alusil.

Galerei

Kezasadun segluz läz tulendad vn 2007 elokus. Segluz om ühteks Piterin simvolišpäi
Francine parter. Koronnii-fontan (2012)
Tundmatoman italižen tegijan skul'pturine «Amur i Psiheja»-grupp, 18. voz'sada (2012)
Skul'pturine «Kožmuz i Vägestuz»-grupp (Ništadtan kožmuz) vl 2011, tegi italine Pjetro Baratta-skul'ptor vl 1725