Unità miłitare navałe

L'incrozador de clase Kirov, co batarie de mìsiłi sotocuerta Silex, SA-N 6 e SS-N 19

Par unità miłitare navałe se intende sia ła sìnguła nave sia un grupo de nave, omozènee, cofà par ezénpio na scuadreja de caciatorpediniere, o dezomozènee cofà na task force, soto i comandi de un ufisałe superiore o merajo. Le unità miłitari navałi łe ga avesto un'evołusion orgànega pì lenta de łe unità miłitari terestri, tutavia łe lìnee de desviłupo łe ze stae anàłoghe, detae prinsipalmente dai progresi de ła tecnołozia miłitare.

Sta tecnołozia cuà ła se ga evolvesta de paro-paso coi materiałi e ła cultura de ła navegasion, che ła ga dato a l'omo el mezo par móvarse rapidamente e economegamente inte łe longhe distanse e, cofà che ocore oncora oncó, tante de łe evołusion tècneghe łe zera stae orizenae in funsion de łe ezijense miłitari. De refleso ła se ga evolvesta l'organizasion, sia inte l'interior de ła sìnguła inbarcasion sia inte el rełasionar in magnera eficase grupi de inbarcasion, omozenei o dezomozènei, traerso de ła creasion de scuadre, armade navałi e speciałizasion de ómani e mezi.

A ła dòpara de ła forsa muscołare cofà mezo de propulsion ła ghe ga fato dopo sostitusion ła dòpara de ła forsa del vento, par ła cuała łe ze stae fate màchine asè conplese, naseste da łe ezijense ligae al vołer na navegasion che ła permetese de navegar co potensiałe ofensivo. Inte-ła-fin, el motore mecànego el ga permetesto de desbołognarse-via da ła forsa del vento e de crear mezi che i podese ndar anca soto de ła superfise, anca co ła dòpara de l'enerzia nucleare.

Descrision

Inte el atuałe perìodo el va vanti el dòparo de łe forse navałi cofà task force, che łe połe vegner reduzeste par oparasion de controło inte i ponti pì intaresanti del comèrcio marìtemo.

El caciatorpediniero misiłìstego japonezo Kongo

Le unità navałi militari in servìsio i połe vegner resumesti in trè categorie:

• unità de superfise: portaèrei, incrozatori, caciatorpediniere, fregae, corvete, patujatori, caciamine, nave anfìbie.
• unità subàcuee: SSBN, SSGN, SSN, SSK.
• unità de suporto: navi par provizonamento, nave lozìsteghe, nave idrogràfeghe e oseanogràfeghe, remorchiadori, nave spia, nave scoła, nave ospeałe, etc.

Nave de superfise

Le tendense navałi atuali łe va verso a na redusion de he dimension de łe nave (co ła ecesion de łe portaèrei): Łe nave pì grande in servìsio inte el dì de uncó i ze i incrozadori, dei cuałi no se ghene prevede ła costrusion de nove clase, parché inte el dì de uncó, ła potensa de ła nave no ła ze pì ligada a łe so dimension e ghe ze na difarensa rispeto a łe vece nave armade solché de canoni. I mìsiłi uncó i ciapa manco spàsio e i ze boni de far dani pì grandi. Ghe ze un ingrandamento de łe dimension dei caciatorpedinieri e de łe fregae, ste ùlteme de fato łe vien sgrandie par ła necesità che łe ga da poder soravìvar a un mìsiłe.

Unità subàcuee

Inte łe unità subàcuee, inte el canpo dei SSN catemo ła clase pì numaroza inte ła statunitensa Los Angeles e la nova clase Virginia. le ruse Akula e Severodvinsk e la britànega clase Trafalgar, tute belché sora ai 5000 de tonełajo.

Orgànega

Nome unità	Tipo de nave	Nùmaro de nave	Comandante
Marina miłitare	Tute łe nave	Pì de 2 flote	Merajo de ła flota o Merajo (OF-9)
Flota	Tute le nave de na rejon	Pì de 2 task forces	Merajo (OF-9) o Vicemerajo (OF-8)
Task force	Tute le grande nave de na tipołozia	Pì de 2 task groups	Vicemerajo (OF-8)
Task group	Un grupo de nave conplementari	Pì de 2 task units o scuadroni	Retromerajo (OF-7)
Task unit o Scuadron	De sòłito capital ships	Un ceo nùmaro de nave	Retromerajo (OF-6) o Comodoro (OF-6) o Merajo de floteja (OF-6)
Task unit o Floteja	De sòłito no capital ships	Un ceo nùmaro de nave simiłari e de l'istesa sorte	Retromerajo (OF-6) o Comodoro (OF-6) o Merajo de floteja (OF-6)
Task element	Na nave sìnguła	Na nave	Capitan (OF-5) o Comandante (OF-4)

Altri projeti

Altri progetti

• Wikimedia Commons

• Wikimedia Commons el detien imàjini o altri file so Unità miłitare navałe
• el detien schemi gràfeghi so

Linganbi foresti

• (EN) warshipEnçiclopedia Britannica, Encyclopædia Britannica, Inc.