Tragheto

Un tragheto el xe un mexo de trasporto doparà par traversar un specio d'acua. El trasporta pasegeri, ma anca veicołi o vagoni del treno. De sołito el fa un servisio regołare so distanse curte.

Na gran varietà de inbarcasion ła vien doparà come tragheto, a seconda de ła longhesa de ła trata, del nùmaro de pasegeri e veicołi da trasportar, de ła vełosità che se vol 'ver e de łe condision de łe acue.

Tipi de tragheto Roll un/Roll off

I tragheti Roll un/Roll off o Ro/Ro i xe chełi tragheti boni a cargare e scargare merçe.

Tipo	Descrision	Imajine
Ferry-boat	Par Ferry boat se ghe intende dire a na barchesa piçenina, doparada pal trasporto de persone e merçe par curte trate o curti traersamenti, cofà lagune, fiumi, laghi o cei^[1] streti de mare. Solitamente de tipo bidiresionałe co gran parte de la stiva di cargo verta.	On Ferry-boat ACTV in tel Canal de ła Zueca
Ro/Ro	(Roll un / Roll Off) El se dopara par dirghe a tute łe categorie de tragheto doparà pal trasporto mexi gomai pexanti, autoveture (e altri) co o sensa pasejeri. Ro-Ro parò el xe el nome che comunemente el njien doparà pr dirghe ai tragheti co soło servisio merçe.	un ro-ro de ła Mann Lines
Car Carrier	(Car Carrier o Truck Carrier) El xe un tipo de Ro-Ro costruio pal marcà de esportasion de autoveture e/o mexi gomadi comerçałi so longhe trate, talvolta anca intercontinentałi. El ga na forma de un scatołon sarà par darghe protesion al cargo, el ga de łe ranpe par l'inbargo sia a popa che de łato. El ga anca dei ponti mobiłi par alsare o sbasare l'altesa in baxe al cargo.	Un Car Carrier inte el porto de Rotterdam
Multipurpose Ro/Ro	(Multipurpose Ro/Ro) La xe na barchexa multifunsion a metà intrà un Car Carrier e na Portacontainer, pensada par longhe trate e ła pole trasportare sia autoveture e mexi gomadi^[2] sia containers.	El Multipurpose Ro/Ro
Ro-Pax	(Roll un / Roll Off passengers)m La xe un vocaboło doparà xeneregamente par dirghe a tute chełe nave tragheto (de bastànsa grande dimension) che łe fa el trasporto conbinà de pasejeri, auto e mexi pexanti. Sto vocało el njien parò doparà par łe nave pensae par un major spasio pì propenso al trasporto merçe che de persone.	Un Ro-Pax de ła Tirrenia
Tragheto feroviario	Tragheto doparà par el trasporto de treni e ingomà pexante^[3], algune volte doparà anca cofà trasporto pasejeri co łe reładive machine.	tragheto feroviario
Cruise-Ferry	Traduxesto vuria dire tragheto da croçera el xe un tragheto par el trasporto de pasejeri, auto e mexi pexanti, co in tei interni dei servisi caxi conpagni a chełi de na nave da croxera. Sołitamente ła xe de grande dimension.	Cruise Ferry
Fast Cruise-Ferry	Tragheto da croxera^[4] rapido, el xe ła ultima jenerasion de nave tragheto, e ła unise łe grandi capaçità de trasporto pasejeri e merçe^[5] a intaresanti vełoçità, intrà i 26 e i 32 nodi.
Tragheto super-rapido	El tragheto super-rapido (o Superfast ferry) el fa parte de ła categoria Hsc (High Speed Craft) e el połe trasportar pasejeri, auto e mexi pexanti. Sołitamente el ga na trata medio-curta e łe viaja a na vełoçità conprendùe^[6] intrà i 35 e i 45 nodi. El tragheto super-rapido el połe esare monocarena, catamarano o trimarano, co propulsion a idroxeti.	El tragheto super-rapido Capricorn