Partio Comunista de l'Union Soviètega
El Partio Comunista de l'Union Soviètega (PCUS; in ruso : Коммунистическая партия Советского Союза ?, translà in alfabeto latin: Komunistíchieskaya partiya; KPSS ùgnoło partio pułìtego legałe de l'Union Soviètega e una de łe pì grande organizasion comuniste del mondo. el PCUS el ga perdesto el so domìnio par via del fałio Tentativo de colpo de stato inte l'agosto 1991 guidà da un grupo de menbri de ła denomenada lìnea dura.
El PCUS el zera nasesto da ła fasion bolscèviga del Partio Operaro Socialdemocràtego Ruso, soto ła guida de Vladimir Lenin e el ga guidà ła Rivołusion de otobre del 1917, roversando el goerno e el istituendo el primo Stato sociałista inte el mondo (el RSFS ruso). Par via del so roło sentrałe inte ła Costitusion de l'Union Soviètega, el Partio el controłava tuti i órdeni de goerno inte l'Union Soviètega e no el tołerava nisuna opozision. La so organizasion ła zera sudividesta inte i partii comunisti de łe Repùbleghe costituenti sovièteghe e inte el Komsomol, che el zera l'organizasion zovaniłe de masa. El partio el ze sta anca ła forsa trainante de ła Tersa Internasionałe.
El ga finio de ezìstar dopo del tentativo de colpo de stato inte el 1991 e el ze sta sostituio dal Partio Comunista de ła Federasion Rusa (CPRF), ła seconda forsa pułìtega in Rùsia, e dai partii comunisti dei uncó indipendenti Ex repùbleghe Sovièteghe.
El PCUS el zera un partio comunista organizà su ła baze del sentrałismo democràtego. Sto prinsìpio, concepio da Lenin, el inplegava na discusion democràtega e verzesta de łe cuestion pułìteghe inte l'intierior del partio, seguia dal recuizito de ła totałe unità inte ła defeza de łe pułìteghe concordae. L'òrgano supremo inte l'intierior del PCUS el zera el Congreso del Partio, che el se reuniva ogni sìncue ani. Cuando che el Congreso no el zera in sesion verta, el Comità Sentrałe el devegneva l'òrgano supremo. Ponesto-che el Comità sentrałe el se reuniva do volte l'ano, ła major parte dei cònpiti e de łe responsabiłità cuotidiane łe ghe spetava a l'Politburo (ex Presidium), el Segretarià e l'Orgburo (finmente al 1952).
El lìder del partio el zera anca el cao del goerno e el cuerzeva l'incargo de segretàrio zenerałe, primo ministro o cao de stato, talvolta anca simultaneamente, ma mai tuti e trè inte el contenpo. El lìder del partio el zera de facto presidente de l'Ufiso pułìtego del PCUS e diretore ezecutivo de l'Union Soviètega. La tension intrà el partio e el stato (Consejo dei ministri de l'Union Soviètega) sul mudamento del sentro del podere no ła ze mai stada formalmente resołusionada, ma in realtà el partio el domenava sul stato e ghe zera senpre un lìder supremo (prima Lenin e dopo el Segretàrio Zenerałe).
Dopo de ła fondasion de l'Union Soviètega, inte el 1922, Lenin el ghea introduzesto na un'economia mista, comunemente conosesta cofà Nova pułìtega econòmega, che ła gaveva consentio che łe pràteghe capitałiste łe vegnese recuperae, soto del detàto del Partio Comunista, col fin de desviłupar łe condision nesesàrie par-che el sociałismo el podese devegner ła reserca pràtega inte un paeze economegamente sotosviłupà. Inte el 1929, co che Joseph Stalin el zera devegnesto el lìder del partio, el Marxismo-Leninismo, che el zera na fuzion de łe idee orizenałi del fiłòzofo e teòrego econòmego todesco Karl Marx e chełe de Lenin, el ze sta formałizà cofà ideołozia guida del partio, permanendo cusita par el resto de ła so ezistensa. El partio el gaveva perseguio el sociałismo de stato, in baze al cuało tute łe indùstrie łe zera nasionałizae e ła zera stada atuada un'economia de comando. Dopo èsarse recuperai economegamente dai dani de ła Seconda Guera Mondiałe, łe zera stae inplementae reforme che łe ghea desentrałizà ła pianifegasion econòmega e łe ghea libarałizà ła società soviètega in zenerałe soto el goerno de Nikita Krusciov. Inte el 1980, vari fatori, intrà i cuałi ła guałiva prezensa de ła Guera Freda, ła corsa ai armaminti in corso co i Stati Unii de l'Amèrica e altre potense de l'Eoropa osidentałe e łe ineficense devegneste sistèmeghe inte l'economia, łe ghea portà a na granda crésita econòmega tanto scadente e reduzesta soto i goerni de Alexey Kosyguin, e oncor pì basa soto del goerno de Leonid Brezhnev, fazendo crésar ła deziłuzion. El perìodo de goerno de Brezhnev de fati, el vien recordà anca col nome de stagnasion brezneviana. Dopo che el zovane Mikhail Gorbaciov el ghea tolto el podere inte el 1985 (de sevente a do lìder che i zera morti rapidamente in sucesion), i zera stai fati ràpidi pasi par trasformar el barcołezante sistema econòmego soviètego inte na vera economia de marcà.
Gorbaciov e i so liai i prevedea ła introdusion de un'economia simiłare a ła nova pułìtega econòmega de Lenin, traverso de un programa ciamà perestroika, o restaurasion, ma łe so reforme, unie a l'istitusion de łe lìbare ełesion par pì candidai, łe ghea portà a un declin del podere del partio e de sevente a ła desołusion de l'Union Soviètega; el partio el zera sta bandio da l'ùltemo presidente de ła RSFS rusa, Borís Eltsin, el cuało pì tardi el saria devegnesto el primo presidente de ła Federasion Rusa[1].
Notasion
[canbia | canbia el còdaxe]- ↑ (ES) Julio Parra, Principales problemas de la economía soviética y su incidencia en el final de la URSS, Bogotá, 2013, pp. 137. entrada il 25 de otobre del 2019.
Altri projeti
[canbia | canbia el còdaxe]
Wikimedia Commons el detien imàjini o altri file so Partio Comunista de l'Union Soviètega
el detien schemi gràfeghi so
Linganbi foresti
[canbia | canbia el còdaxe]- Partito comunista dell'Unione Sovietica, in Disionàrio de istòria, Istituto de ła Ençiclopedia Italiana, 2010.
- (EN) Communist Party of the Soviet UnionEnçiclopedia Britannica, Encyclopædia Britannica, Inc.
- (EN) Opere riguardanti Partio Comunista de l'Union SoviètegaOpen Library, Internet Archive.
| Controło de autorità | VIAF (EN) 125435541 · ISNI (EN) 0000 0001 2369 340X · LCCN (EN) n80126146 · GND (DE) 2016004-5 · BNF (FR) cb11866780s (data) · WorldCat Identities (EN) n80-126146 |
|---|