Joint venture

Na joint venture (union tenporànea de inprexe) el xe un contrato co el cuało do o pì inprexe łe se acorda par tegner un tipo de acordo comerçałe de investimento sconpartio a longhi tèrmani, co el intento de rivar a un determenà fin o a ła execusion de un projeto.

Par consevir el obietivo comun, łe inprexe che łe se ventura drio a sta tipołoxia de contratasion, łe ga da inpegnarse a métar in comun contribusion de vària naura. Ła contribusion ła połe èsar in matèrie prime, capitałi, tecnołoxia, conosensa del marcà, sistemi de distribusion, risorse omane, finansa o comerçałixasion dei prodoti. Xe ùtiłe rexaltar el fato che el xe nesesàrio un inpegno a longo tèrmano intrà łe inprexe e łe ga da èsar indipendenti l'una da chel'altra sensa fuxion o acuixision.

Tipołoxie

El novo sojeto indipendente el xe ciamà co-venturer (o anca incorporated joint venture); inte el momento andove invese el afare no el daga vita a na nova axienda co na pròpia personałità xurìdega, se parlarà de unincorporated joint venture o contractual joint venture).

In na joint venture ghe połe èsar do tipi de acordi: contratuałe e socetàrio.

• El primo no el fa vegner fora na socetà comun, ma solché un acordo intrà łe parte, par xestionar na inisiativa comun par dopo spartirse in sèvito i ùtiłi.
• El segondo el xe un contrato che el se caratarixa par ła disiplina de ła atività de ła socetà mista, del raporto intrà i soçi e de ła spartision dei ùtiłi

Linganbi foresti

• joint ventureTreccani.it – Enciclopedie on line, Istituto de ła Ençiclopedia Italiana.
• joint ventureVocabolario Treccani, Istituto de ła Ençiclopedia Italiana.
• joint venturesapere.it, De Agostini.
• (EN) Jane Gingrich, joint ventureEnçiclopedia Britannica, Encyclopædia Britannica, Inc.