کھیرا

کھیرے اپنے پودے پر لگے ہوئے

کھیرا ایک مفید سبزی ہے۔ اس کے پودے کے خاندان کا حیاتیاتی نام Cucumis sativus ہے۔ اس کی کئی اقسام ہیں۔ جن کا رنگ عموماً سبز ہوتا ہے۔ اس کا آبائی وطن ہندوستان ہے۔ یہ مغربی ایشیا میں بھی تین ہزار سال سے زیادہ عرصہ سے کاشت کیا جا رہا ہے۔ فرانس تک یہ نویں صدی اور برطانیہ تک چودھویں صدی عیسوی تک پہنچا۔ کھیرے میں کیلشیم، فولاد، زنک، میگنیشیم، وٹامنز سی، بی 1، بی 2، بی 3، بی 5، بی 6 اور فولک ایسڈ موجود ہوتا ہے۔

فوائد

ہاضمہ درست کرنے کے ساتھ ساتھ سانس کی ناگوار بو دور کرنے کے لیے کھیرا مفید ثابت ہوتا ہے۔ چہرے کی تازگی اور شادابی کے لیے کھیرے کا رس چہرے پر لگایا جاتا ہے جس سے جلد پر قدرتی تازگی آتا ہے اور لکیروں میں کمی واقع ہوتی ہے، چوری کی جلد کا ڈھلکنا دور ہو سکتا ہے جو تازگی کا باعث بنتا ہے۔ ماہرین کے مطابق کھیرے کے چھلکے میں قیمتی وٹامن نمکیات ہوتے ہیں اس لیے استعمال کرنا چاہیے۔ جگری گرمی سے تحفظ کے لیے کھیرے کا ایک گلاس جوس مفید بتایا جاتا ہے۔ کھیرے کے مستقل استعمال سے پٹھوں، عضلات اور جسم کے کھنچاؤ کے خلاف قوت مدافعت میں اضافہ ہوتا ہے۔

پیداوار

چوٹی کے دس کھیرا پیداکار 2010
ملک	پیداوار (ٹن)
چین	40,709,556
ایران	1,811,630
ترکیہ	1,739,190
روس	1,161,870
ریاستہائے متحدہ	883,360
یوکرین	860,100
ہسپانیہ	682,900
مصر	631,408
جاپان	587,800
انڈونیشیا	547,141
دنیا	57,559,836
ماخذ: ادارہ برائے خوراک و زراعت

نگار خانہ

• 
• 
• 
• 
• 
•