احتشام حسین

احتشام حسین
معلومات شخصیت
پیدائش	21 اپریل 1922ء   ماہل
وفات	1 دسمبر 1972ء (50 سال)  الہ آباد

فائل:Ahtishamhusain.JPG

احتشام حسین

احتشام حسین ہندوستان سے تعلق رکھنے والے ادیب، مارکسی نقاد اور افسانہ نگار ہیں۔

حالات زندگی

احتشام حسین 21 اپریل 1912ء کو ہندوستان میں اتر پردیش کے ضلع اعظم گڑھ کے ایک قصبے ماہل میں پیدا ہوئے۔ 1936ء میں الہ آباد سے ایم اے کر کے لکھنؤ یونیورسٹی میں اردو کے لیکچرر مقرر ہوئے۔ پھر الہ آباد یونیورسٹی میں اردو کے پروفیسر رہے۔ نظریاتی حوالے سے ترقی پسند تحریک سے وابستہ رہے۔ اس لیے ان کی تنقید پر مارکسی اثرات کو بآسانی محسوس کیا جا سکتا ہے۔ 1954ء میں امریکا کی ایک انجمن نے وہاں کے ذہنی رجحانات کا مطالعہ کرنے کے لیے مدعو کیا ایک سال بعد امریکا اور لندن سے واپس آکر اپنے مشاہدات ساحل و سمندر کے نام سے کتابی صورت میں شائع کیے۔ تنقیدی مضامین کے آٹھ مجموعے چھپ چکے ہیں۔ جن میں تنقیدی جائزے، روایت و بغاوت، تنقید و علمی تنقید اور اعتبارنظر خصوصیت سے قابل ذکر ہیں۔ ویرانے افسانوں کا مجموعہ ہے۔

پروفیسر سید احتشام حسین۔ایک کلاسیکل ترقی پسند نقاد

”پروفیسر سید احتشام حسین۔ ایک کلاسیکل ترقی پسند نقاد“ کے عنوان سے محمد عثمان بٹ کا مضمون 2021ء میں سامنے آیا۔ یہ مضمون احتشام حسین کی مختصر سوانح کے ساتھ ساتھ اُن کی اُردو زبان و ادب کے حوالے سے خدمات کا اجمالی جائزہ بھی پیش کرتا ہے۔اُن کی تحریروں میں لسانی مباحث کے علاوہ ادب کو تہذیب و ثقافت اور سماجی تناظر میں پیش کرنے کا رجحان عام ہے۔ اُن کی تصانیف کی نمایاں خصوصیت اُن کے ہاں ترقی پسندیت، مارکسیت اور سائنسی تنقید کا امتزاج ہے۔

اِس حوالے سے محمد عثمان بٹ لکھتے ہیں:

”احتشام حسین کو ترقی پسند نقادوں میں امتیاز حاصل ہے چوں کہ وہ اُردو کی کلاسیکی ادبی روایت کے احترام کے ساتھ اپنی ترقی پسند، مارکسی اور سائنسی تنقید کو آگے بڑھاتے ہیں۔ اِسی لیے میں انھیں کلاسیکل ترقی پسند نقاد کہتا ہوں۔“

وفات

احتشام حسین کی وفات یکم دسمبر، 1972ء کو الہ آباد، بھارت میں ہوئی ۔

تصانیف

• اردو ادب کی تنقیدی تاریخ
• اردو لسانیات کا خاکہ
• تنقیدی جائزے
• تنقیدی نظریات
• تنقید اور عملی تنقید
• راویت اور بغاوت
• روشنی کے دریچے
• ہندوستانی لسانیات کا خاکہ
• ادب اورسماج

بیرونی روابط

• پروفیسر احتشا م حسین کی یاد میں
• ترقی پسند تحریک سے وابستہ ممتاز نقاد