Шамил Анак
| Шамил Мәхмүтов | |
|---|---|
 | |
| Псевдонимнар: | Шамил Анак |
| Туу датасы: | 25 ноябрь 1928 |
| Туу урыны: | Габдрәшит авылы, Әлшәй районы, Башкортстан АССР |
| Үлем датасы: | 24 октябрь 2005 (76 яшь) |
| Үлем урыны: | Раевка штб, Әлшәй районы, Башкортстан |
| Ватандашлык: | Россия |
| Эшчәнлек төре: | шагыйрь, тәрҗемәче |
| Иҗат итү еллары: | 1955 |
| Иҗат итү теле: | башкорт, татар, рус |
Шамил Анак (чын исеме Шамил Гомәр улы Мәхмүтов; 1928 елның 25 ноябре[1] — 2005 елның 24 октябре) — татар, башкорт һәм рус телләрендә иҗат иткән шагыйрь, тәрҗемәче, Татарстан язучылар берлеге әгъзасы (1969 елдан),[2] Башкортстанның атказанган мәдәният хезмәткәре (1990).
Биографиясе
[үзгәртү | вики-текстны үзгәртү]Ул 1928 елның 21 ноябрендә Башкортстанның Әлшәй районы Габдрәшит авылында дөньяга килә. Дәүләкән педагогия училищесында укый, аннары соң Мәскәү дәүләт университетының филология факультетын һәм аспирантураны тәмамлый. Максим Горький исемендәге Әдәбият институтында (1957—1959), Праһа университетында (1959—1960) укыта. 1959 елда шагыйрь туган авылына кайта.
Шамил Анак — ике дистәгә якын китап авторы. Аның «Солнце на дороге» исемле тәүге шигырьләр җыентыгы Мәскәүдә, «Советский писатель» нәшриятында дөнья күрде. «Европа уртасында» дип исемләнгән китабы 1963 елда Уфада нәшер ителде. Аннан соң әдипнең «Ак куян зары», «Юл өстендә кояш», «Таш тамгалар», «Зәңгәр Өчбүлә иле», «Ода мирным вещам», «Сөю тамгалары» исемле китаплары Мәскәүдә, Казанда һәм Уфада басылып чыга. Аның шигърияте — чынбарлыкны сәнгатьле фикерләү аша күзаллап тасвирларга омтылуы, сурәтле образларга таянып яңа сүз әйтүе, шигъри формадагы тәҗрибәләре, бигрәк тә ак шигырь һәм ирекле шигырь өлкәсендәге эзләнүләре белән үзенчәлекле.
Шамил Анак шулай ук әдәбият белгече, тәрҗемәче. Ул төрек шагыйре Назыйм Хикмәтнең ике шигырь китабын, шулай ук төрек хикәяләрен тәрҗемә иткән.
Гомеренең соңгы өлешен Шамил Анак туган районында үткәрә. Ул 2005 елда вафат була.
Шулай ук карагыз
[үзгәртү | вики-текстны үзгәртү]
Искәрмәләр
[үзгәртү | вики-текстны үзгәртү]- ↑ Башеду.ру(үле сылтама)
- ↑ Татарстан Республикасы Язучылар берлеге.
Сылтамалар
[үзгәртү | вики-текстны үзгәртү]- Әдипләребез — 1 нче том. Төзүчеләре — Рәис Даутов, Равил Рахмани. Казан: Татарстан китап нәшрияты, 2009.
- Татар—информ: Танылган шагыйрь Шамил Анак вафат булды 2016 елның 4 март көнендә архивланган.
- Татар язучылары порталы
Әдәбият
[үзгәртү | вики-текстны үзгәртү]- Мустафин Р. Ищите крупицы добра // Образ времени. Казань, 1981.
- Харисов Р. Юл өстендә кояш // Казан утлары. 1967. № 12.
- Галиуллин Т. Н. Тыйнак табынга кил, укучы! // Казан утлары. 1983. № 11.