pcyana puniq
cyugal zyuwaw qu baqun pcyana puniq(燃燒) hiya, "mutuw msuling na qeqaya"(可燃物), "praw pcyana"(助燃物) ru "ps'aring smkilux"(燃點).
"mutuw msuling na qeqaya"(可燃物) hiya ga baq msuling na qeqaya, mye'a su qhuniq ini ga ruma.
"praw pcyana"(助燃物) hiya ga baq raw msuling na qeqaya, mye'a su Yang-ci (氧氣, oxygen) maki sa insuna.
"ps'aring smkilux / kinmkilux na pcyana" (燃點) hiya ga, tehuk qu kinmkilux niya lga, baq mcyana qu qeqaya la.
imi ptnaq kwara qu ps'aring smkilux na qeqaya hiya, kruma ga rroq ps'aring smkilux niya, zinga mcyana. kruma ga wagiq qu ps'aring smkilux niya, zihung mcyana.
in qbaq msuling qu mhuziq na qara qhuniq, giy rasun na qsya zik qsahuy qu Zo-nung niya. siki pzyux qu kinmkilux posun ga, baq p'heloq qsya na qara qhuniq. mkzyay qu qara qhuniq, ru tehok qu ps'aring smkilux niya lga, yasa baq msuling la.