ஆப்கானித்தானில் வன்கலவி
ஆப்கானித்தானில் வன்கலவி (Rape in Afghanistan) ஒரு முக்கிய பிரச்சினை ஆகும். பல மனித உரிமை அமைப்புகள் நாட்டின் கற்பழிப்பு சட்டங்கள் மற்றும் அவற்றை அமல்படுத்துவதை விமர்சித்துள்ளன.
வரையறை
[தொகு]கற்பழிப்பு என்பது ஒரு வகை பாலியல் வன்கொடுமை ஆகும், இது பொதுவாக பாலியல் தொடர்பு அல்லது அந்த நபரின் அனுமதியின்றி ஒரு நபருக்கு எதிராக நிகழ்த்தப்படும் பிற பாலியல் துன்புறுத்தல்களை உள்ளடக்கியது . இந்தச் செயல் உடல் வலிமை, வற்புறுத்தல், அதிகார துன்புறுத்தல் அல்லது சரியான ஒப்புதல் அளிக்க இயலாத ஒரு நபருக்கு எதிராக மேற்கொள்ளப்படலாம். இதில் நனவிலி நிலைமை, இயலாமை, அறிவுசார் குறைபாடு அல்லது சட்டப்பூர்வ ஒப்புதல் வயதிற்குக் கீழ் உள்ளவர் அடங்குவர். [1] வன்கலவி என்ற சொல் சில சமயங்களில் பாலியல் வன்கொடுமை என்ற வார்த்தைக்கு மாற்றாக பயன்படுத்தப்படுகிறது.
பரவல்
[தொகு]ஆப்கானித்தானில் பெண்களுக்கு எதிரான வன்முறைகள் 2013 இல் அதிக அளவை எட்டியுள்ளதாக ஆப்கான் சுதந்திர மனித உரிமைகள் ஆணையம் (AIHRC) தெரிவித்துள்ளது. பெண்கள் தங்கள் கன்னித்தன்மைக்காக மதிக்கப்படுகிறார்கள், அந்த பெண் கர்ப்பமாக இருந்தாலும், கற்பழிப்பவர் அவளை திருமணம் செய்வது அசாதாரணமானது. இவ்வாறு ஒரு பெண் இப்போது "தூய்மையற்றவள்" என்பதற்காக தண்டிக்கப்படுகிறாள். இத்தகைய வழக்குகளை அதிகாரிகள் விபச்சாரமாக கருதுகின்றனர். பெண் தண்டிக்கப்படாவிட்டாலும், சமூகத்தால் "அவமரியாதை" செய்தவராக (பஷ்தூவில்வில் பத்னம்) சமூகத்தால் நிராகரிக்கப்படுகிறார், அதே நேரத்தில் கற்பழிப்பவர் அவமதிக்கப்பட்டவராக கருதப்படுவது இல்லை. [2]
புள்ளிவிவரங்கள் மற்றும் களங்கம்
[தொகு]ஆப்கானித்தானில் பாலியல் வன்கலவி என்பது சட்டப்படி வழக்குத் தொடரக்கூடிய குற்றம், ஆனால் நடைமுறையில் இது மிகவும் அரிதாகவே தெரிவிக்கப்படுகிறது, ஏனெனில் பெண்கள் அதைப் புகாரளித்தால் ஏற்படும் அபாயங்கள் அவர்களை புகார் கொடுக்க தயக்கம் ஏற்படுத்தும் காரணிகளில் முக்கியப் பங்காற்றுகிறது. நாட்டில் பாலியல் பலாத்காரத்தால் பாதிக்கப்பட்டவர்கள் வன்முறையில் ஈடுபடுவதற்கான இரட்டை ஆபத்தை எதிர்கொள்கின்றனர்: ஒருபுறம் அவர்கள் குடும்பங்களால் நடத்தப்படும் ஆணவக் கொலைக்கு பலியாகலாம், மறுபுறம் அவர்கள் நாட்டின் சட்டங்களால் பாதிக்கப்படலாம். பெண்கள் தங்கள் சமூக நிலை மற்றும் அன்றாட வாழ்க்கைக்கு பல தனிப்பட்ட அபாயங்களை மேற்கொள்கின்றனர்: [3] அவர்கள் மீது விபச்சார குற்றம் சுமத்தப்பட்டால் மரண தண்டனை விதிக்கப்படலாம் . மேலும், அவர்கள் குடும்பத்தினரால் கற்பழிப்பாளரை திருமணம் செய்ய கட்டாயப்படுத்தலாம், குறிப்பாக பெண் கர்ப்பமாக இருந்தால் இதுபோன்ற துயரங்களை சந்திக்க நேரிடலாம். [4]
ஆப்கானித்தானில் பாலியல் பலாத்காரத்தால் பாதிக்கப்பட்டவர்கள் கற்பழிப்பாளர்களை விட களங்கத்திற்கு ஆளாகிறார்கள். பாலியல் பலாத்காரத்திற்கு ஆளான பெண்கள் பெரும்பாலும் தண்டிக்கப்படலாம், அதே நேரத்தில் பாலியல் பலாத்கார குற்றச்சாட்டின் போது ஆளான ஆண்கள் சிறைத்தண்டனை அனுபவிப்பது என்பது அரிதாகவே நிகழ்கிறது. ஜினாவின் கீழ் பெண்கள் பெரும்பாலும் "விபச்சாரிகளாக" தண்டிக்கப்படுகிறார்கள், இது சட்டவிரோத பாலியல் உடலுறவுடன் தொடர்புடைய இஸ்லாமிய சட்டத்தின் ஒரு பகுதியாகும். [5] அவரது குடும்பத்தின் கௌரவத்தை மீட்டெடுக்கும் நம்பிக்கையில் பெண்கள் தங்களை வன்கலவி செய்தவர்களை திருமணம் செய்ய அடிக்கடி வற்புறுத்துகிறார்கள். வன்கலவி செய்தவர் குற்றச்சாட்டுகளை எதிர்கொள்வதைத் தவிர்க்க இதுவும் செய்யப்படுகிறது. இதனால், பெண்களை பாலியல் செய்து தாக்கிய நபரை திருமணம் செய்துகொள்ளும் அல்லது ஆணவக் கொலை செய்தல் ஆகிய இரண்டில் ஒன்றினைத் தேர்வு செய்ய அவர்களது குடும்பத்தினர் நிர்பந்திக்கப்படுகின்றனர். [6]
சான்றுகள்
[தொகு]- ↑ "Definition of rape". Dictionary.com (in ஆங்கிலம்). பார்க்கப்பட்ட நாள் 2019-08-12.
- ↑ "No Justice for Rape Victims in Afghanistan". UN Dispatch. 26 July 2013. பார்க்கப்பட்ட நாள் 22 April 2018.
- ↑ Lawrence, Quil (December 2, 2011). "For Afghan Women, Rape Law Offers Little Protection". All Things Considered. NPR. பார்க்கப்பட்ட நாள் 22 April 2018.
- ↑ Reuters (14 December 2011). "Woman Jailed in Afghanistan on Charges Of 'Forced Adultery' Is Released". பார்க்கப்பட்ட நாள் 22 April 2018 – via NYTimes.com.
{{cite web}}:|last=has generic name (help) - ↑ Bilal Dannoun. "The Islamic Ruling Concerning the Criminal Act of Zina". Mission Islam. பார்க்கப்பட்ட நாள் April 22, 2018.
- ↑ Rachel Reid; et al. (6 December 2009). ""We Have the Promises of the World" - Women's Rights in Afghanistan". Human Rights Watch. பார்க்கப்பட்ட நாள் 22 April 2018.