Hiroyuki Sawano
Hiroyuki Sawano (澤野 弘之 Sawano Hiroyuki, babar kaping 12 September 1980) nyaéta komposer, panata lagu, musisi, penulis lirik, jeung pianis Jepang, leuwih kasohor pikeun karyana dina loba animé, séri télevisi, sarta pilem. Manéhna diwakilan ku Legendoor antara taun 2006 jeung 2017, ayeuna diwakilan ku VV-ALKLINE. Dina taun 2014 manéhna ngaluncurkeun proyék lagu vokal anyar nu dibéré ngaran ''SawanoHiroyuki[nZk]''.[1][2]
Biografi
[édit | édit sumber]Sawano dibabarkeun kaping 12 September 1980 di Tokyo, Jepang. Manéhna ngamimitian maén piano pas di sakola dasar. Ti umur 17 manéhna neuleuman komposisi, susunan, orkestrasi, sarta piano handapeun Nobuchika Tsuboi.[3] Anjeunna geus aktif salaku komposer saprak taun 2004.[1][4]
Dina taun 2014 manéhna ngaluncurkeun proyék lagu vokal anyar nu dibéré ngaran ''SawanoHiroyuki[nZk]'', ngajieun album mimiti UnChild jeung Aimer salaku vokalis handapeun ngaran SawanoHiroyuki[nZk]:Aimer. Saprak harita lagu-lagu na handapeun proyék lagu vokal ieu ogé dipaké salaku bubuka jeung panutup pikeun rupa-rupa animé, kaasup Aldnoah.Zero, Seraph of the End, Mobile Suit Gundam Unicorn RE:0096, Legend of the Galactic Heroes: The New Thesis - Encounter, jeung Re:Creators. Proyék lagu vokal Sawano ieu dipindahkeun ka labél Sacra Musik handapeun Sony Music Entertainment Jepang dina April 2014.
Dina kaping 2 Juli 2017, kontrak Sawano jeung Legendoor mungkas sanggeus ngeunaan 12 taun. Manéhna ayeuna diwakilan ku VV-ALKLINE.