Gunung Snowdon
Page Modul:Infobox/styles.css has no content.
| Gunung Snowdon | |
|---|---|
 | |
| Titik pangluhurna | |
| Luhurna | 1,085 m (3,560 ft) [1] |
| Prominén | 1,039 m (3,409 ft)
Ranked joint 3rd in British Isles |
| Isolasi | 368.7 kilometres (229.1 mi) |
| Punclut induk | Ben Nevis |
| Kadaptar di | Marilyn, Furth, Hewitt, Nuttall, Welsh 3000s, council top, Ribu |
| Koordinat | 53°4′6.59″N 4°4′34.43″W / 53.0684972°N 4.0762306°WKoordinat: 53°4′6.59″N 4°4′34.43″W / 53.0684972°N 4.0762306°W [2] |
| Panamaan | |
| Nami lokal | 'Yr Wyddfa' (basa?) |
| Géografi | |
| Lokasi | Gwynedd, Wales |
| Pagunungan induk | Snowdonia |
| Kisi OS | SH6098954379 |
| Peta topo | OS Landranger 115, Explorer OL17 |
Gunung Snowdon (/ˈsnoʊdən/; Basa Welsh: Yr Wyddfa, diucapkeun: ər ˈwɪðva) nyaéta hiji gunung anu aya di Wales, Britania Raya. Gunung ieu mangrupa gunung pangjangkungna di Wales kalawan tingkat kaluhuran 1.085 méter di luhureun beungeut sagara.[3][4]
Étimologi
[édit | édit sumber]Ngaran asli Gunung Snowdon, Yr Wyddfa, anu asalna tina basa Welsh, miboga harti makam atawa monumén. Aya nu nyebut makam anu dimaksud nyaéta makam Rhita Gawr, hiji ogre anu rék nelasan raja sarta rék nyieun jubah tina janggutna. Cenah manéhna tilar dunya nalika Raja Arthur datang ka puncak Gunung Snowdon sarta nelasan manéhna.[5]
Sajarah
[édit | édit sumber]Gunung Snowdon geus ditempatan ku jelema ti jaman prasajarah, tuluy laju ka jaman Romawi, jaman bangkitna agama Kristen, jaman abad patengahan, nepi ka kiwari. Bangsa anu kungsi ngeusian gunung ieu nyaéta bangsa Viking, Anglo-Saxon, sarta bangsa Norman. Sajarah ieu gunung teu bisa leupas ti sajarah Snowdonia.[6]
Di daérah sabudeureun ieu gunung, aya mangratus-ratus situs prasajarah, salah sahiji anu paling penting sarta anu pangkasohorna nyaéta Tre'r Ceiri (Kota Raksasa), padumukan jaman beusi anu ngadominasi Semenanjung Llŷn di tutugan Yr Eifl, kira-kira ti 134 méter di luhureun Laut Irlandia. Padumukan ieu eusina mangrupa sésa-sésa 150 imah batu sarta bénténg anu ukuranna gedé, anu diwangun kira-kira abad ka-2 saacan maséhi.[6]
Saenggeus ruhagna kakaisaran Romawi, panjajah anu lianna, bisa ngaeréh daérah pagunungan ieu. Sanajan cara pikeun nepi ka ieu wewengkon téh hésé, tapi Urang-urang Viking, Anglo-Saxon, sarta Normandia bisa datang sarta ngaeréh ieu wewengkon. Hal ieu anu nyababkeun Pangéran Gwynedd ngawangun loba bénténg dina tarékah ngalindungan lemah cai maranéhna ti anu ngajajah.[6]
Kastil Dolbadarn jeung Dolwyddelan diwangun di posisi anu stratégis di puseur Snowdonia pikeun ngendalikeun dua ruteu utama anu ngaliwatan pagunungan. Kastil Criccieth mangrupa conto lianna anu diwangun ku Llywelyn the Great sarta dilegakeun ku Llywelyn the Last. kastil y Bere, kastil Welsh asli lianna anu perenahna di kaléreun Abergynolwyn, ogé kamungkinan diwangun ku Llywelyn the Great kira-kira di taun 1221.[6]
Sanggeus ngarebut kastil asli, Edward I tuluy ngawangun cingcin kastil anu kuat di Wales Kalér. Situs Warisan Budaya Caernarfon Castle anu perenahna di sisieun Walungan Seiont jeung Selat Menai, éta ogé diwangun ku Edward I. Tempat éta, salian dijadikeun bénténg militér, ogé dijadikeun tempat panyicingan anu resmi di Wales.[6]
Pariwisata
[édit | édit sumber]
Gunung Snowdon miboga poténsi pariwisata anu hadé. Ku lantaran pamandanganna anu éndah sarta jauh ti hiruk-pikuk kota. Unggal taunna sok aya baé jelema anu naék ieu gunung. Aya kira-kira 400.000 jalma anu naék ieu gunung unggal taunna. Biasana, ti handap nepi ka puncak merlukeun watu antara 3 nepi ka 4 jam ku cara leumpang.[7][8] Tapi, lamun naék karéta api mah ngan sajam baé nepi ka puncak téh.[8] Jalur anu bisa ditempuh pikeun ka punclut ieu gunung aya genep, nyaéta jalur Llanberis, jalur Pyg, jalur Miners, jalur Watkin, jalur Rhyd-Ddu, sarta jalur Snowdon Ranger. Sajajalan, urang bisa nempo pamandangan anu éndah.[8][9][10][11]
Jalur anu bisa ditempuh
[édit | édit sumber]- Jalur Llanberis (14,5 km), jalur anu pangpanjangna ti genep jalur anu aya, tapi rada gampil. Di jalur ieu, urang bisa nempo pamandangan Cwm Brwynog, Llanberis, sarta Menai anu éndah. Jalur ieu mangrupa jalur anu pangkasohorna ku sabab panggampilna pikeun dipilampah dina kaayaan cuaca anu hadé. Sanajan kitu, nalika usum tiris, jalan satapak anu pangluhurna bisa jadi bahaya.[11]
- Jalur Pyg (11 km), jalur anu pangpondokna, tapi nanjak pisan. jalur ieu mangrupa jalur panghéséna ti genep jalur anu aya. Jalur ieu brasna ka pasir Crib Goch. Ruteu Crib Goch bahaya pisan sarta jelema anu kakaraeun mah teu meunang jalan dieu.[11]
- Jalur Miners (13 km), jalur ieu mimitina lébar, tuluy ngaliwatan Llyn Teyrn ka Llyn Llydaw, anu mana ruruntuhan tambang bisa katempo. Ti dinya, jalan nanjak pisan nepi ka Llyn Glaslyn, tuluy, jalur ieu bakal papangih jeung jalur Pyg, ti dinya, jalan jadi jig-jag ka Bwlch Glas, tuluy nepi di puncak.[11]
- Jalur Rhyd Ddu (12 km), jalur anu paling tenang ti genep jalur nu aya. Di jalur ieu, urang bisa nempo pagunungan kalawan jelas pisan. Komopas di Moel Hebog jeung pasir Nantlle.[11]
- Jalur Watkin (13 km), jalur anu rada hésé di Snowdon. Mimitina, jalan lébar tur rata, tapi ka dieunakeun jadi loba batu.[11]
- Jalur Snowdon Ranger (13 km), jalurna nanjak di deukeut Moel Cynghorion nepi ka Bwlch Cwm Brwynog. Tuluy nanjak di Clogwyn Du'r Arddu saacan nyambung jeung jalur Llanberis, tuluy nyambung deui jeung jalur Pyg jeung jalur Miners di Bwlch Glas, tuluy nepi di puncak.[11][12]
Jalur karéta api Snowdon
[édit | édit sumber]
Salian ti ku cara leumpang, urang gé bisa nepi ka puncak gunung ku cara naék karéta api. Ieu layanan karéta api téh dikokolakeun ku Snowdon Railway. Jalur karéta api ieu diwangun di taun 1896 kalawan panjang 12,16 kilométer.[11] Ieu layanan karéta téh mimitina ti Stasion Llanberis, sarta langsung nganteur urang ka puncak dina waktu sajam. Stasion anu diliwatan di antarana Stasion Hebron, Stasion Halfway, Stasion Rocky Valley, Stasion Clogwyn, tuluy urang nepi di puncak.[13]
Sanajan kitu, ieu layanan karéta api biasana ditutup saheulaanan salila usum tiris sarta dibuka deui di bulan Maret.[13]
Galéri
[édit | édit sumber]-
Gunung Snowdon -
Kastil Harlech kalawan pamandangan gunung Snowdon -
Karéta api Snowdon railway
Tingali ogé
[édit | édit sumber]Rujukan
[édit | édit sumber]- ↑ Roberts, Liz (2010-09-21). "Survey puts Welsh mountain into 1,000m 'super league'". Grough. http://www.grough.co.uk/magazine/2010/09/21/survey-puts-welsh-mountain-into-1000m-super-league?printview=1. Diakses pada 28 April 2011
- ↑ Edwardes, Simon. "Snowdon – Yr Wyddfa". The Mountains of England and Wales. Diakses tanggal 28 April 2011.
- ↑ "Snowdon Partnership launch plan to 'safeguard' mountain". BBC News. Diakses tanggal 2017-06-15.
- ↑ @ClimbSnowdon. "Climb Snowdon - About Yr Wyddfa". www.climb-snowdon.co.uk. Diakses tanggal 2020-02-03.
- ↑ "Interesting Facts about Snowdon and its History". www.mountainwalk.co.uk. Diakses tanggal 2020-02-02.
- ↑ a b c d e "History | Visit Snowdonia". www.visitsnowdonia.info. Diakses tanggal 2020-02-02.
- ↑ "Walk up Snowdon | The Online Guidebook for all the Walking Routes up Snowdon - Climb The highest mountain in Wales". Walk up Snowdon (dalam en-GB). Diakses tanggal 2020-02-04.
- ↑ a b c WPS. "How Long Will It Take to Climb Mount Snowdon?". www.globaladventurechallenges.com. Diakses tanggal 2020-02-03.
- ↑ "Snowdon - Your Ultimate Guide to the Six Walking Routes to the Summit | Visit Snowdonia". www.visitsnowdonia.info. Diakses tanggal 2020-02-03.
- ↑ "Snowdon walks". VisitWales. Diakses tanggal 2020-02-03.
- ↑ a b c d e f g h "Snowdon Information". Llanberis Mountain Rescue. Diakses tanggal 2020-02-04. Archived 2019-12-28 di Wayback Machine
- ↑ "Snowdon Ranger Path | Walk up Snowdon from Snowdon Ranger". Walk up Snowdon (dalam en-GB). Diakses tanggal 2020-02-04.
- ↑ a b "Journey to the Summit". Snowdon Mountain Railway (dalam en-GB). Diakses tanggal 2020-02-03.