Bayem
| sosin | |
|---|---|
| |
| Amaranthus caudatus | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Subfamili: | |
| Génus: | Amaranthus |
| Species | |
|
.
| |
Bayem nyaéta sayur anu ngaran ilmiahna Amaranthus spp., mimitina mah ukur dijadikeun pepelakan pikeun hiasan sabangsa kekembangan séjénna.[1] Tapi, dumasar kana panalungtikan para ahli, ka dieunakeun bayem dipromosikeun minangka tutuwuhan anu bisa jadi sumber kadaharan anu luhung ajén gizina nepika meunang 'gelar' King of Vegetables atawa 'Si Raja Sayur'.[1] Bayem, asalna ti daérah Amérika tropis.[2] Dikira-kira, datang ka Indonesia dina abad ka-19, bareng jeung dimimitianana rute dagang ka wilayah nusantara.[1] Di Indonesia, bayem aya di unggal propinsi.[1] Numutkeun data ti Departemen Pertanian, total tanah anu bisa dipanén bayem legana nepi ka 31,981 héktar. Dina urutan sayur komersial Indonesia anu jumlahna aya 18, bayem téh aya dina urutan ka-11.[1]
Jenis
[édit | édit sumber]
Tina 60 marga, bayem téh aya 800 jenis. Tapi sacara global, tangkal bayem téh dibagi kana dua golongan, nyaéta bayem liar jeung bayem budidaya.[1] Geus bisa katebak tina ngaranna, bayem anu bisa dijadikeun kadaharan, geus pasti bayem budidaya.[1]
Kandungan
[édit | édit sumber]Kandungan gizi bayem kacida lobana. Numutkeun Dr. Seno Sastroamidjojo, tina 100 gram bayem bisa dihasilkeun tanaga 21 kilokalori, cai 92,9 gram, protein 2,1 gram, lemak 0,2 gram, karbohidrat 2,7 gram, jeung kandungan-kandungan gizi séjénna.[1]
Mangpaat
[édit | édit sumber]Salain ti ngandung nutrisi anu kacida mangpaatna pikeun kaséhatan awak urang, bayem ogé bisa jadi bahan kadaharan anu bisa nyegah rupa-rupa panyakit anu kaitung beurat, kayaning nurunkeun kolésterol, nyegah nyeri gugusi, obat éksim, mengi, ngajaga kaséhatan kulit raray, kulit mastaka, jeung keur kaséhatan rambut.[1][3] Anu pangkakokcarana, bayem téh guna pikeun nyageurkeun panyakit lungsé alatan kurang darah.[1][3] Leuwihna ti éta, lantaran ngandung 'serat' anu luhung, bayem kacida alusna pikeun ngageurkeun panyakit sembelit, jantung, stroke, jeung panyakit-panyakit anu aya hubunganana jeung getih.[1][3] [4]
Referensi
[édit | édit sumber]- ↑ a b c d e f g h i j k Majalah Mangle. No.1847. 2004. Hal. 47
- ↑ Damayanti, Dewi; dr Prapti utami, Novi Widianti, Nina Wulandari, Agung Sugiarto, Tinton Dwi Putra (2008). Buku Pintar Tanaman Obat: 431 jenis tanaman penggempur aneka penyakit. Jakarta: AgroMedia. p. 63. ISBN 9789790061941.
- ↑ a b c Bayaml Archived 2010-05-22 di Wayback Machine (id) (Diakses ping 14 Oktober 2011)
- ↑ Savitri, Astrid (2016). Savitri. Indonesia: Bibit Publisher. p. 29. ISBN 9786026805232. Disungsi10 Januari 2022