1763 – Perang Pontiac dimimitian, Pontiac nyoba pikeun ngepung Darmaga Detroit nu Inggris.
1832 – Kamerdékaan Yunani meunang pangakuan mungguhing Perjangjian London.
1846 – The Cambridge Chronicle, koran mingguan Amérika nu pangkolotna nu aya kénéh, dipedalkeun pikeun kali kahijina di Cambridge, Massachusetts.
1895 – Di Saint Petersburg, Rusia, élmuwan Alexander Stepanovich Popov mintonkeun panimuanna ka Masyarakat Fisika jeung Kimia Rusia, alat pangdétéksi cahaya Povov–hiji panarima radio modél primitip. Di sawatara bagéan nagara manten Soviét poé ieu dianggap minangka Poé Radio.
1915 – Perang Dunia I: Kapal selam Jérman U-20 nilemkeun kapal RMS Lusitania, nelasan 1.198 jalma, kaasup 128 urang Amérika. Loba jalma di AS nu tadina pro-Jérman jadi malik cua.
1930 – Lini 7,1 Mw ngeundeuk-ngeundeuk kulon kalér Iran sarta Turki béh kulon kidul. Nepi ka tilu rébu jalma nemasing pati.
1945 – Perang Dunia II: Serangan parahu U Jérman nu pamungkas dina perang, dua kapal parusak tilelep di muara Forth di Skotlandia.
1945 – Perang Dunia II: Jénderal Alfred Jodi nanda tangan surat sumerah tanpa syarat di Reims, Perancis, mungkas partisipasi Jérman dina perang. Doukumén éta mimiiti lumaku poé isukna.
1946 – Kamesinan Telekomunikasi Tokyo (jagana dinganaran Sony) diadegkeun.
1948 – Majelis Éropa diadegkeun dina Kongrés Den Haag.
1952 – Konsep tina integrated circuit, dasar tina sakabéh komputer modérn dipedalkeun ku Geoffrey Dummer.
1954 – Perang Indochina: Patempuran Dien Bien Phu lekasan pikeun kasoranna Perancis sarta kameunangan Viét Minh (patempuran dimimitian dina tanggal 13 Maret).
1960 – Perang Tiis: Krisis U-2 1960: Pamingpin Soviét, NIkita Khrushchev ngabéwarakeun yén nagarana geus nahan pilot U-2 AS, Gary Powers.
1986 – Patrick Morrow urang Kanada jadi jalma munggaran nu hasil ngadaki Tujuh Puncak,
1992 – Tilu pagawé di Réstoran McDonald di Sydney, Nova Scotia, Kanada, sacara teu maké ras-rasan dipaténi sarta nu ka opatna dijieun cacad permanén dina hiji parampogan nu gagal. Hal ieu mangrupa “panelasan fast food” nu munggaran di Kanada.
1994 – Lukisan Edvard Munch, The Scream, kapanggih weuteuh kénéh sabada dipaok ti Galeri Nasional Norwégia di Bulan Pebruari.
1999 – Perang Kosovo: Tilu urang warga Tionghoa ditelasan sarta 20 lianna cidera nalika pasawat NATO sacara léléwodéh ngabom kadutaan Tionghoa di Belgrade.
1999 – DI Guinea-Bissau, President João Bernardo Vieira disingkirkeun dina hiji kudéta militer.
