1368 – Zhu Yuanzhang jadi pangawasa Tionghoa ku gelar Kaisar Hongwu, ngamimitian kakawasaan Dinasti Ming di Tionghoa nu bakal lumangsung salila tilu abad.
1556 – Lini pangtohagana dina sajarah, narajang Provinsi Shaanxi di Tionghoa, korban maot kamungkinan nepi kana 830.000 jalma.
1570 – James Stewart, Earl (ménak) ka-1 ti Moray, pibakaleun gaganti Raja Anom James VI ti Skotlandia, ditelasan ku bedil, hiji kajadian siga kitu nu munggaran kacatetkeun.
1571 – The Royal Exchange (puseur padagangan) dibuka di London.
1789 – Universitas Georgetown diadegkeun di Georgetown, Maryland (kiwari bagéan ti Washington, D.C.).
1849 – Elizabeth Blackwell jadi dokter awéwé munggaran di Amérika.
1870 – Di Montana, pasukan kavaleri AS nelasan 173 urang Indian, lolobana awéwé jeung barudak, dina hiji kajadian nu kaceluk ku ngaran Pangbantéyan Marias.
1899 – Konstitusi Malolos dirasmikeun, ngadegkeun Républik Philipina Kahiji. Emilio Aguinaldo dicokot sumpahna minangka présidén kahiji.
1900 – Perang Boer Kadua: Patempuran Spion Kop antara pasukan Républik Afrika Kidul jeung Nagara Bébas Oranye ngalawan pasukan Inggris. Réngsé ku kaéléhan Inggris.
1904 – Kahuruan Ålesund: kota basisir Norwégia, Ålesund, ancur ku seuneu, ngaalatankeun ngungsina 10.000 jalma. Kaésar Wilhelm II ngabiayaan pikeun pangwangunan ulang kota éta maké gaya Jugendstill.
1912 – Konvénsi Opium Internasional ditarékeun di Den Haag.
1920 – Walanda nolak nyérénkeun ka Sakutu raja nu kausir, Kaisar Wilhelm II ti Jérman.
1942 – Perang Dunia II: Patempuran Rabaul lumangsung nalika Jepang nyerang wilayah Australia di Nugini.
1943 – Perang Dunia II: Pasukan Basanjata Kadalapan Inggris ngarebut Tripoli, Libya ti Pasukan Panser Jérman-Italia.
1945 – Perang Dunia II: Admiral Jérman Karl Dönitz mesatkeun Operasi Hannibal.
1957 – Tukang barang jieun Amérika, Walter Frederick Morrison ngajual hakna pikeun cakram hiber ka pausahaan cocooan Wham-O, nu tuluy nelah ku sebutan "Frisbee".
1958 – Sabada hiji perlawanan umum jeung pakéwuh di jalan-jalan, Présidén Marcos Pérez JIménez ninggalkeun Vénezuéla.
1960 – Kapal selam AS Trieste mecahkeun rékor teuleum pangjerona ku ngerelep sajauh 10.911 meter (35.797 kaki) di Laut Pasifik.
1961 – Kapal pangjalajah rajaponi Portugis, Santa Maria dibajo ku pihak lawan ti réjim Estado Novo ku niat pikeun ngabiayaan perang semet ka diktator António de Oliveira Salazar turun tahta.
1963 – Perang Kamerdékaan Guinea-Bissau sacara resmi dimimitian nalika pajoang gerilya PAIGC nyerang tentara Portugis nu ngumpul di Tite.
1991 – Stasion TV Swasta TPI ngadeg, kiwari ngaranna jadi MNCTV.
1998 – Netscape ngabéwarakeun Mozilla, nu tujuanna pikeun medalkeun kode Komunikator minangka sumber bébas.
2001 – Lima jalma nyoba-nyoba ngaduruk manéh di Alun-Alun Tiananmen Beijing, hiji kalakuan nu numutkeun jalma réa minangka jijieunan Partéy Komunis China pikeun ngajebak Falun Gong sarta ku kituna bisa ningkatkeun panekenanna.
2002 – Jurnalis AS, Daniel Pearl diculik di Karachi, Pakistan sarta antukna ditelasan.
2018 – Bom mobil ganda narajang Benghazi, Libya, nelasan saheunteuna 33 jalma sarta nyideraan "losinan" séjénna. Korban-korbanna kaasup personel militer jeung rahayat sipil, ceuk pajabat di dinya.
