Virusi Stuxnet

Virusi Stuxnet është një virus komjuterik që gjatë muajve të fundit ka afektuar sistemet industriale të Indisë, Indonezisë dhe të SHBA-ve, por më së shumti është përhapur në Iran. Më saktësisht, virusi Stuxnet, ka goditur kompjuterët e punonjësëve të centralit të parë bërthamor të Iranit i cili do të futet në funksion në fund të këtij viti. Nuk mungojnë zërat se virusi në fjalë u krijua veçanërisht për të sulmuar programin bërthamor të shtetit islamik. Ditët e fundit Ministria e Inteligjencës në Iran ka deklaruar se e ka zbuluar mënyrën se si të luftojë virusin kompjuterik në fjalë.