Shëlbumi
Shëlbumi apo Shejti Shëlbum nganjëherë edhe thjeshtë "Të Shëlbumit" (lat. Ascensionis Domini - Ngjitja e Zotit) sipas fesë katolike është rikthimi trupërisht i Jezusit tek Ati Perëndi në qiell në praninë e apostujve. Termi "qiell" besohet përgjithësisht nga të krishterët si ribashkimi trupor i Jezusit me Atin Perëndi, dhe jo si një shndërrim spiritual apo përvojë hyjnore e cila është rëndom traditë mistike e shumë feve botërore. Shëlbumi është poashtu një festë e krishterë edhe për kishat e tjera. Në traditën e krishterë, Shëlbumi është "Ngjitja e Jezusit në qiell" dhe kremtohet dyzet ditë pas festës së Pashkës, pra pas së dielës së pashkëve dhe festa bie gjithmonë ditën e enjtë.