Pushtimi mysliman i Gadishullit Iberik
Pushtimi musliman i Gadishullit Iberik nga Kalifati Umajad ndodhi rreth viteve 710 dhe 720. Pushtimi rezultoi në disfatën e Mbretërisë Visigote dhe krijimin e vilajetit Umajad të Andaluzisë.
Gjatë kalifatit të kalifit të gjashtë umajad, al-Walid I (mbr. 705–715), Tarik ibn Zijad u nis nga Afrika e Veriut në fillim të vitit 711 përmes Ngushticës së Gjibraltarit me një forcë prej rreth 1700 burrash për të nisur një ekspeditë ushtarake kundër Mbretëria visigote e Toledos, e cila kontrollonte territorin e dikurshëm të Hispanias Romake.[1][2][3][4] Pasi mundi mbretin visigot Roderic në Betejën e Guadalete në korrik të po atij viti, Tariku u përforcua nga një forcë arabe e udhëhequr nga eprori i tij vali Musa ibn Nusair dhe vazhdoi drejt veriut.
Në vitin 713, Theodemiri, konti visigot i Murcias u dorëzua me kusht, dhe në vitin 715, Abd al-Aziz ibn Musa u emërua guvernatori i parë i Al-Andalusit, duke emëruar Seviljen si kryeqytetin e tij. Deri në vitin 717, Umajadët kishin pushtuar Galinë për të nisur bastisjet e tyre të para në Septimania. Deri në vitin 719, Barcelona dhe Narbona ishin kapur gjithashtu. Nga viti 740 deri në 742, pushtimi u ndërpre më pas nga Revolta e Berberëve dhe në vitin 755, kur një forcë abaside e udhëhequr nga Jusuf ibn Abd al-Rahman al-Fihri zbarkoi për të marrë territorin nga Umajadët.
Deri në vitin 781, Abd al-Rahman I kishte shuar të gjitha rebelimet dhe rivalët dhe kishte konsoliduar sundimin umajad mbi një Iberi pothuajse tërësisht të ribashkuar, një prani që do të mbetej deri në Reconquista të intensifikuar të mbështetur nga papa në mesin e shekullit të XIII-të, e cila kishte për qëllim rikthimin e gadishullit te krishterimi.
Shiko edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ^ Roger Collins (1983). Early Medieval Spain (në anglisht). Nju Jork: St. Martin's Press. fq. 151. ISBN 0-312-22464-8.
- ^ Nagy, Luqman (2008). The book of Islamic dynasties: a celebration of Islamic history and culture (në anglisht). Ta-Ha Publishers Ltd. fq. 9. ISBN 978-184200091-5.
- ^ Andalusí, Fundación El Legado. Maroc et Espagne: une histoire commune publié par Fundación El Legado Andalusí (në frëngjisht). Fundación El legado andalusì. ISBN 978-849639504-6. Marrë më 26 maj 2010 – nëpërmjet Google Books.
- ^ Brian A. Catlos (maj 2018). Kingdoms of Faith: A New History of Islamic Spain (në anglisht) (bot. i parë). Nju Jork, N. J.: Basic Books. ISBN 978-0-465-05587-6. OCLC 1003304619.