Wikipedia:Wikiquette

Li cuntribbutura di Wikipedia agghìcanu di paisi e culturi diversi e ponnu aviri punti di vista assai diffirenti. Trattari l'àutri cu rispettu è funnamintali pi cullabburari siriamenti â custruzzioni di n'enciclopedia ca funna bona parti di lu sô spìritu ntâ culliggialità e unioni di ntenti (vidi cuncettu di WikiLove).

Sta pàggina offri arcuni principi di "Wikiquette", o linìi guida supra comu travagghiari cu l'àutri supra Wikipedia.
Poi lèggiri li cumminzioni cchiù basilari supra l'artìculu di l'edizzioni 'n lingua ngrisa di Wikipedia, Wikipedia:Policies and guidelines.

Principi di l'etichetta di Wikipedia

Prisupponi lu megghiu di l'àutri e la bona fidi ogni vota ch'è pussìbbili. Wikipedia travagghiau dicisamenti bonu finu ccà, basànnusi supra na pulìtica di quasi cumpreta libbirtà di rivisioni. Li pirsuni vennu ccà pi cullabburari e scrìviri boni artìculi.
Evita di riturnari a virsioni pricidenti e cancillari unnegghiè è pussìbbili, siquennu la règula di nun ripurtari mai nn'arreri na pàggina cchiù di 3 voti 'n 24 uri, tranni ca 'n casi d'evidenti vannalismu. Spiega li tô mudìfichi ntô campu "uggettu".
- Curriggi, rivisiuna, discuti.
Sî aducatu.
- La genti nun pò vidìriti e sapiri di chi umuri sî. L'irunia nun è sempri obbia, e nu testu crudu e nzinsìbbili pò facirmenti risurtari rudi. Sî attentu ê palori ca scegghi: zoccu ntenni putissi nun èssiri chiddu ca l'àutri vannu a pinzari.
Firma e data li tô ntirventi ntê discussioni (nun nta l'artìculi!).
Travagghia versu l'accordu
Nun gnurari l'addumannati.
- Siddu quarcunu àutru nun è d'accordu câ tô rivisioni, furnisci mutivazzioni vàlidi pi cui penzi ch'è apprupriata.
Mancu tu sî immuni dî priggiudizzi: ricanùscili e mantènili sutta cuntrollu.
Cuncedi nu puntu siddu nun nn'hai na risposta; o ammetti ca sî 'n disaccordu 'n basi â ntuizzioni o a lu gustu.
- Nun fari discùtiri la genti supra pusizzioni ca nun poi sustèniri.
Sî prontu a scusàriti.
- Ntê discussioni animati, spissu dicemu cosi di cui cchiù tardu ni pintemu. Ammèttilu.
Sî prontu a accittari na scusa aducatamenti, e senza furriari lu cutiddu ntâ chiaja.
Eloggia quannu è duvutu. Tutti àmanu sintìrisi apprizzati, spiciarmenti 'n n'ammienti ca spissu addumanna cumprumisi.
Rimovi o riassumi li disputi ca nizziasti.
Ajuta a midiari li disaccordi tra àutri pirsuni.
Siddu la discussioni aducata fallisci, pigghiati na pausa siddu stai discutennu, o suggirisci na pausa siddu stai midiannu.
- Ritòrnaci doppu na simana o dui. Siddu nuddu sta midiannu, e riteni ch'è nicissariu, arrola quarcunu.
- Arrassati o attrova n'àutru artìculu pi distràrriti. Pigghia 'n manu nu pruggettu di Wikipedia; li tô sirvizzi sunnu sempri nicissari: amplia na vuci, ajuta n'artìculu. Oppuru scrivi un novu artìculu.
Ricorda zoccu nun è Wikipedia.
Talia la lista di l' erruri cumuni nta l'usu di Wikipedia.
'N dui palori: civili e amàbbili.

Comu evitari l'abbusu dâ pàggina di discussioni

Tanti pirsuni sunnu urgugghiusi dû sô travagghiu e dû sô puntu di vista. L'ego pò èssiri facirmenti urtatu di na rivisioni, ma li pàggini di discussioni nun sunnu lu postu pi riaggiri 'n manera eccissiva. Sunnu cchiuttostu na bona accasioni pi limitari - cû cunfrontu pacatu - evintuali dammaggi a l'ego, ma suprattuttu lu locu p'attruvari l'accordu megghiu riguardu ô cuntinutu di l'artìculi a cui sunnu culligati.

Arcuni cosi di tèniri a menti

Partennu dû prisuppostu ca l'artìculi di Wikipedia hannu a rapprisintari tutti li punti di vista (vidi WP:NPOV), li pàggini di discussioni sunnu lu locu 'n cui evintuarmenti dibbattiri passaggi nun chinamenti cunnivisi. E' nicissariu, però, ristari strittamenti on topic, supra l'argumentu. Pi dari vita a dibbàttiti di cuntinutu pulìticu, èticu o suciali ci sunnu àutri suluzzioni, comu Usenet, weblog pùbbrici e àutri wiki.
Siddu quarcunu è 'n disaccordu cu tia, chistu nun significa nicissariamenti ca (1) dda pirsuna t'odia, (2) penza ca sî stùpidu, (3) dda pirsuna è stùpida, (4) dda pirsuna è tinta, ecc. Ntâ pràtica, quannu quarcunu nzirisci pinioni ca nun hannu mpricazzioni diretti e cuncreti supra l'artìculu è prifirìbbili lassari càdiri la discussioni.
Wikipedia ti mmita a èssiri audaci. Prima di nizziari na discussioni spiati: è dabberu nicissariu discùtiri? Mi pozzu limitari a furniri la mê rivisioni e aspittari ca l'àutri nìzzianu a discùtiri, siddu lu crèdinu?
Poi sempri purtari la discussioni supra e-mail o supra la tô pàggina utenti, siddu nun è essinziali pi l'artìculu.

Picca àutri cunzigghi di tèniri prisenti pi discùtiri aducatamenti

Renni sempri chiaru lu puntu ca stai ndirizzannu, spiciarmenti ntê rèprichi
- Citari nu post va bonu, ma dichiarari comu lu ntirpreti è megghiu. Prima di prucèdiri a diri ca quarcunu ha tortu, cuncèdici lu fattu ca putissi aviri ntinnutu na cosa pi l’àutra.
Nun etichittari o attaccari dirittamenti li pirsuni o li sô rivisioni. Na cosa è l'erruri supra na cosa particulari, àutra cosa è diri ca cu la cummittìu havi sempri tortu. Arricorda la famusa màssima: "Cummatti lu mali, rispetta, e ama lu tintu" (Papa Giuvanni XXIII dicìa 'n tèrmini riliggiusi: "Cummattiri lu piccatu, amari lu piccaturi"):
- Tèrmini comu "razzista", "sissista", "gnuranti", "vriugnati/vrigugnati/virgugnati", o macari "scrittu malu" mèttinu li pirsuni supra la difinsiva e sunnu pirciputi comu affinsivi.

Sunnu palori ca rènninu diffìcili discùtiri l'artìculi pruduttivamenti.

Cerca di nun usari paroli ca pi quarcunu sunnu "parulazzi". Puru siddu arcuni nun lu sunnu pi tia, lu ponnu èssiri p'àutri, e ponnu quinni urtari la suscittibbilità d'arcuni.

Autri cunzigghi

Urtimi cunzigghi di Larry Sanger:

sî graputu e accugghienti, nun isulatu,
cuncìntrati supra lu scrìviri n'enciclopedia, nun nu dibbàttitu 'n stili Usenet,
ricanusci e loda lu travagghiu megghiu, nu travagghiu ch'è dittagghiatu, si limita a li fatti, è bonu nfurmatu, e bonu rifirinziatu,
travagghia pi cumprènniri pirchî; è addumannata la niutralità e pirchî; è accussì essinziali e bona pi stu pruggettu,
tratta li membra pruduttivi, bonu ntinziunati di Wikipedia cu rispettu e bona vuluntà,
attrai e anura li pirsuni ca sannu tantu e ponnu scrìviri bonu di na cosa.

Prufilu pûn Wiki-mpegnu di Kingturtle:

Fai sèntiri l'àutri bomminuti (videmma cu participa di tantu tempu, macari chiddi ca nun ti piàcinu)
Crea e manteni n'ammienti amichèvuli
Porgi l'àutra mascidda/guancia (lu ca ncludi arrassàrisi di putinziali edit-war)
Sprimi li tô lodi, spiciarmenti pi chiddi ca nun canusci (tanta genti ama sapiri ca sunnu circati e apprizzati)
Pirduna
Suprattuttu, addivèrtiti!!!

E p'accabbari, last but not least, pi cu canusci lu ngrisi, lu Statement of principles di Jimbo Wales, papà di Wikipedia.