Scaccia
La scàccia (scacciàta, mpanata, mbigliulata) è n'alimentu tradizzionali dâ cucina siciliana. Si cumponi di nu stratu di pasta chi piegatu in tri o quattru strati pò essiri farcitu di diversi manèri. La scaccia câ cipudda e ricotta, la scaccia cô puddrusinu, la scaccia chî ciurietti sunnu li varianti cchiù usati, ma ci sunnu macari varianti cu la tuma, li patati, l'alivi e la sausizza.
La scàccia si prisenta di na forma rittangulari all'incirca 10cm pi 25cm. Li bar offrunu puru na virsioni nica, la scaccitedda, di circa 8cm pi 15cm, e si cunsuma spissu accumpagnata di na arancina. Lu latu loncu è chiddu chi veni piegatu. Lu latu curtu, chi lassa vidiri li ngridienti, prima dâ nfurnata, è chiusu cû la prissioni dî dita dâ manu. A scaccia e' nu prodottu tipicu ra pruvincia di Rausa e ai tiempi antichi si facia quannu si facia u pani ri casa e si infurnava 'no furnu cauru appena si sfurnava 'u pani.