Neuchâtel

Neuchâtel è na citati svizzira di 31.500 abbitanti, capitali di l'omonimu cantuni. Neuchâtel (prununzatu "Nusciatel" dî siciliani di Svìzzira) s'affaccia ntô lacu di Neuchâtel, lu lacu cchiù granni chi è tuttu ntô tirritoriu svizziru, e si sviluppa longu la costa e ntâ chianata dû Giura.

Storia

Anticamenti cità dû regnu di Burgogna, divintau principatu sutta lu putiri du Rè di Prussia. Lu primu di marzu 1848 conquistau la ndipinnenza e divintau na ripubblica, e comu cantuni fu fidirata cû restu di la Svizzira.

Nnustria

Oggi Neuchâtel è canusciuta pi la ndustria orologgera. A partiri dû Seculu XVII Neuchâtel havi statu la punta di lu sviluppu di l'arti dî rologghi. Nta lu cantuni cci sunnu li fabbrichi di marchi canusciuti ntî tuttu lu munnu comu Rolex, Jaquet Droz, Bulgari.

Ugualmenti canusciuta e apprizzata è la fabbricazzioni di la cioccolatta. Philippe Suchard, origginariu di Boudry a na dicina di chilomitri di Neuchâtel, rapiu la prima fabbrica di cioccolatu ntô 1825.

Pirsunaggi liggata

Friedrich Dürrenmatt, scritturi svizziru tudescu dû vintesimu seculu, abbitau a Neuchâtel l'urtimi 30 anni dâ sò vita.

Cultura

A Nusciatel c'è puru nu beddu museu etnogràficu ca vali la pena visitari.