Ouagadougou

Artìculu in LSC

Ouagadougou est sa capitale de su Burkina Faso e su tzentru amministrativu, culturale e econòmicu de sa natzione. Est fintzas sa tzitade prus manna de s'istadu, cun una populatzione de 2.200.000 persones in su 2015.

Is indùstrias primàrias de Ouagadougou sunt s'indùstria alimentària e de tessìngiu. Sa tzitade est serbida dae un'aeroportu internatzionale e est acapiada dae una ferrovia cu Abidjan in Costa de Marfilu. Non b'at niunu servìtziu ferruviàriu cara a Kaya. B'ant diversas autoistradas chi acàpiant sa tzitade cun Niamey, in Niger, su sud cun su Ghana e su sud-ovest cun sa Costa de Marfilu. In Ouagadougou ddoe est unu de is mercados prus mannos de s'Àfrica otzidentale, chi est brusiadu in su 2003 e dae tando est istadu torradu a abèrrere cun istruturas mègius pro prevènnere unos àteros possìbiles fogos. Unas àteras atraidas incluent su Museu Natzionale de su Burkina Faso, su Palatzu Moro-Naba, su Museu Natzionale de sa Mùsica e diversos mercados artesanales.