Suva

Artìculu in LSC

Mapa de sas Figi cun inditada sa posidura de Suva

Suva est sa capitale de sas ìsulas Figi. S'agatat in sa costera sud-orientale de s'ìsula de Viti Levu. Tenet una populatzione de 200.000 bividores segundu s'istima de su 2005 chi nde faghent su tzentru prus mannu de su Patzìficu Sud, fracas s'Austràlia e sa Noa Zelanda. Bi bivet unu misturu de etnias (figianos, indianos, tzinesos, tongalesos, samoans, de Salomó, micronesis, europeos, crèolos...).

In sa tzitade e intòrinos b'ant crèsias cristianas, templos indù e sikh, moscheas musulmanas e fintzas unu campusantu giudeu abbandonadu. Suva fiat fata capitale de sas Figi in su 1877. Su fàbricu prus artu de sas Figi, su de s'Reserve Bank of Figi, tenet sa sede in Suva. S'intretzant puru su mercadu munitzipale, sa Domo comunale antiga, s'Albert Park, su Grand Pacific Albergo e sos Thurston Gardens, in ue s'agatat su Museu de sas Figi. S'Iscola de Meighina de sas Figi e unu de sos tres campus de s'Universidade de su Patzìficu Sud (University of the South Pacific) sunt in Suva. Tenet un'aeroportu internatzionale, mancari s'aeroportu figianu prus importante s'agatat a Nadi.