Càstia su còdighe de orìgine de Guido Colucci

{{LSC}}{{Biografia|immàgine=Charles Gascoyne - Ritratto di Giudo Colucci - 1907.jpg|descritzione=Charles Gascoyne - "''Ritratto di Giudo Colucci''", ritratu de su 1907|data_de_nàschida=2 de cabudanni 1877|logu_de_nàschida=Nàpoli|data_de_morte=28 de cabudanni 1949|logu_de_morte=Roma|natzionalidade=italiana|traballu=pintore, intagiadore e tzeramista}}

'''Guido Colucci''' ([[Napoli|Nàpoli]], 2 de [[Cabidanni|cabudanni]] 1877 – [[Roma]], 28 de cabudanni 1949) est istadu unu [[pintura|pintore]], [[intatzu|intagiadore]] e [[tzeràmica|tzeramista]] [[Itàlia|italianu]].
== Biografia ==
Guido Colucci naschet in [[Napoli|Nàpoli]] su 2 de cabudanni de su 1877, dae Enrico, diplomàticu (1836-1914) e dae Susanna Tulini (+1891). Su frade Carlo Waldemar (1875-1935) est istadu unu crìticu de arte, colletzionista de intatzos de artistas europeos de su noighentos e suta-prefetu de [[Siena]].

In su 1885 Enrico Colucci est tramudadu a [[Bastia]] in [[Còssiga|Còrsica]], che cònsole generale. Guido istùdiat in su Litzeu San Frediano de Lucca e in s'Istitutu Tècnicu e Nàuticu de [[Gènova]]. Si laùreat in [[Firenze|Firentze]] in [[Sièntzias Sotziales]] e [[Sièntzias Polìticas|Polìticas]]. Disìnnat  cun s'acuarellu frores e perfilos de fèminas in finu istile ''Liberty''. In Firentze organizat un'istùdiu de artista. Sighit unu cursu privadu de intatzu, tentu dae [[Giovanni Fattori]].

Su babbu Enrico colletzionat armas islàmicas antigas e Guido nd'est incantadu pro s'intarsiadura a infiliestos arabescos. S'ispirat a sas bidrieras e a sas ''ferronneries'' de su [[istile gòticu|gòticu]] [[Frantza|frantzesu]]. In sas figuras nieddas e cumpatas de su ''Vócero'', chi Colucci at a disinnare pro s'''Atlante linguìsticu e etnogràficu italianu e de Còrsica'' de Gino Bottiglioni, s'atinat sa letzione de [[Giotto]] e de [[Masaccio]].
[[File:GuidoColucci Modellaseduta incisione.png|thumb|Guido Colucci, ''Modella seduta'' incisione, 1909 c.]]
=== S'inghitzu ===
In su 1909 Guido Colucci partètzipat a sa de sessantaduas Espositziones de sa Sotziedade de sas Bellas Artes de Firentze e est annoditadu dae [[Nello Tarchiani]], [[crìticu de arte]] de sa revista "[[Il Marzocco]]". [[Francesco Sapori]], subra "[[Vita d'Arte]]", iscriet ca Colucci aiat comintzadu chena de s'agiudu de maistros, ca aiat iscobertu a solu s'[[abbaforte]] e aiat istadu dischente pro pagu tempus de [[Giovanni Fattori]]<ref>[http://www.repubblicaletteraria.net/Colucci/antologia1/FrancescoSapori.htm| Acquafortisti italiani. Guido Colucci 24 martzu 2017]{{Ligàmene interrùmpidu}}</ref>. 

In su 1910 Guido Colucci divenit sòtziu de sa Leonardo da Vinci de Firentze. A sa Biennale de Venètzia esponet in su 1912 s'intatzu ''Congresso di mendicanti''. Illustrat su lìberu pro pitzocheddos ''L'Omino turchino'' de [[Giuseppe Fanciulli]]. Unos de is intatzos suos sunt comporados dae [[ederico Hermanin]] pro su Gabinete natzionale de is imprentas, chi in die de oe benit a èssere [[Istitutu natzionale pro sa gràfica]].

In su 1913 Guido Colucci esponet in Parigi, in su ''Salon'' de beranu de sa Societé Nationale des Beaux Arts, abbas fortes cun màscaras de sa Cummèdia de s'Arte. A pustis de sa gherra at a torrare a custos temas cun sas 18 ''Mascaras italianas e figuras goldonianas'', sa cale tiradura 1/20 si cunservat in su Gabinete de sas Imprentas de sos Uffizi.

=== Sa Còrsica ===
In su maju 1914 Guido Colucci cojiuat Edith Southwell (1888-1936), fìgia sola de su pioneri inglesu in Còrsica Arthur Castell Southwell (1857-1910). Durante sas posadas istiales in [[Còssiga|Còrsica]], pobiddu e mugere bivent a curtzu de Bastia, in [[Toga (Còrsiga)|Toga]], in sa Villa Bellacanzone in ue, dae su 1853 a su 1856, aiat bìvidu un esìliu [[Francesco Domenico Guerrazzi]]. Banduleris in Còrsica, sos Coluccis abbàidant e retratant: Edith, poliglota e literada, regollit legendas antigas e poesias populares corsas, mentras ca Guido faghet ischitzos de personàgios e paesàgios. In su 1915 Guido Colucci partit voluntàriu a sa gherra. Ingotu, perdet unu ogru.

Afriscat in Siena unu salone de s'Hotel Chiusarelli, ispirende·si a su Purismu senesu de s'otughentos. Pigat parte in su 1917 in [[Sarzana]] a sa Mustra Natzionale de s'Arte, organizada dae s'''Eroica'' de [[La Spezia]] pro contu de su Postu de Recreu de sa Rughe Ruja; in su 1919 pigat parte a sa Mustra de Beranu de pintura, iscultura e arte aplicada a s'indùstria de sa Sotzidade de Bellas Artes de Firentze, cun vasos de tzeràmica, lùmenes, alàscias, unu baule intagiadu, abbafortes. In su 1920, in sa Sotziedade Leonardo da Vinci de Firentze, personale con [[Abbatinta|abbatintas]], abbafortes, baules de linna tacheddados e pintados, tzeràmicas e is intàgios colorados pro su ''Rübaiyat'' de [[ʿUmar Khayyām]].

Comente 'Umar, a Guido dd'agradaiant su binu e sas rosas. In Firentze, Colucci pintat sa publitzidade de su cafè Procacci e ordìngiat, cun is intàgios suos e tessìngios e sas tzeràmicas realizadas subras disinnu sou, sas tres salas de sos ''Amigos de su Lìberu'', in ruga Tornabuoni. Disinnat  cartolinas, de publitzidade o patriòticas.
[[File:Guido Colucci ceramiche marca L.E.D.A. c. 1925.png|thumb|Guido Colucci, ceramiche marca L.E.D.A., c. 1925]]
=== Sa L.E.D.A. ===
Alinari pùblicat, in unu lìberu e in una cartolina, sa sèrie de abbafortes de Colucci ''Palio di Siena''. Pro su Chentenàriu dantèscu Colucci intagiat sa sèrie ''La Vita nova''. In su 1923 pigat parte a sa Prima mustra Internatzionale de sas Artes Decorativas de Monza, cun ex-libris che sunt achiridos dae sa Tzivica Regorta de Imprentas ''Achille Bertarelli''.

Cun su frade Carlo Waldemar, Guido fundat sa L.E.D.A. (acrònimu de ''L'Estetica Della Abitazione'' - S'Estètica de sa Morada) chi no est una fàbrica, ma una marca registrada, cun chi sos Coluccis bendent sos produtos artìsticos de Guido: tzeràmicas, sedas, belludos, cabidales, para-lùmenes, sachitos de pannu, paperis de muru e pro incuadrenare lìberos. Sas tzeràmicas, in is disinnos de Colucci, sunt realizadas dae sa dita [[Fantechi Ceramiche]] de [[Sesto Fiorentino]]; non s'ischit chie apat realizadu sos tessìngios e sos paperis. Tzeràmicas, cartas e tessìngios si podent comporare cun disinnos coordinados. Guido progetat fintzas prendas e lùmenes: est unu artista ''cumpletu'' chi ispàtziat dae sa pintura, a s'intàgiu, a su decoru de sos aposentos, a sa moda.

Sa trassa sua s'istèsiat dae s'istile froridu e si faghet semper prus essentziale e sintèticu. Is colores preferidos sunt s'asulu marinu, su murenu e su birde in tonos e variedades de sa mantza mediterrànea.

=== Parigi, Londra, Sardigna ===
[[File:Aidomaggiore - Costume tradizionale (02).JPG|thumb|[[Aidumajore]] - Costùmene traditzionale]]
In su 1924 Colucci visitat Londra e Parigi e regollit ispuntu pro abbas fortes e abbas tintas. Intàgiat iscenas rurales toscanas, paesàgios corsos, pontes de Firentze. In su 1926, personale de Colucci in sa Galleria Devambez de Parigi, cun paesàgios de sa Còrsica realizados cun ògiu e con abbas fortes chi rapresentant iscenas e bistas corsas. Sa crìtica annoditat una derivatzione dae s'[[Iscola de Barbizon]] e dae sas imprentas giaponesas de s'otighentos; ma Colucci tenet fintzas raighinas italianas e prus antigas: [[Piero della Francesca]] e [[Paolo Uccello]].

In su 1928 vìsitat sa [[Sardigna]] pro regòllere ispuntos subra sas bestimentas traditzionales sardas. Sa prima sèrie de sos ''Costùmenes sardos'' s'agatat oe in die in Roma, in su Museu de sas Artes e Traditziones Populares. Personale in Roma, in su 1929, in sa Galleria Angelelli: ògios, intàgios, tzeràmicas, disinnos, ispirados a Còrsiga. Intàgios suos sunt publicados dae s'''Artzivu Istòricu de Còrsiga''.
=== Ùrtimos annos ===
In Toga, in domo de Colucci, si firmat in su 1922 sa colletzione preistòrica e paleontològica corsa de Forsyth Maior, chi in custa domo catàlogat is repertos suos, cun s'agiudu de Ellen Southwell Colucci. Inoghe sunt allogados su giornalista Sebastiano Deledda e Gino Bottiglioni chi progetat su monumentale ''Atlante linguìsticu etnogràficu italianu de sa Còrsica''.

Colucci lusingat pro meda tempus su progetu de sos ''Costùmenes sardos'' e ddos realizat cun roa sientìfica, casi didàtica. Sèberat sa bestimenta sarda de sa festa dae sa fitiana, sa bestimenta de isposòriu e sa de corrutu; annoditat su cromatismu de sos tessìngios e abbrodaduras, sa variedade de butones e prendas, su bestiri de una fèmina chi andat a crèsia e su de un'artesanu traballende.
In Bastia, fundat in su 1933 una setzione de sa Sotziedade Dante Alighieri e nde divenit presidente.

In su 1931 sos Coluccis lassant Firentze e si tramudant a Roma

Ischirriadu dae sa Còrsica pro neghe de sa gherra, Giudo ponet subra lastra ischitzos betzos e botzetos cun sugetos corsos e ddos intàgiat cun amore ganosu. Intàgiat fintzas sa sèrie de sa ''Vida de Santu Frantziscu'', dedicada a sa memòria de sa mugere Edith. Òberas de Colucci subra sa Còrsiga sunt ispostas in su 1940 in Venètzia, a sa Mustra de s'Italianidade de Còrsiga.

Sa colletzione de Carlo Waldemar Colucci (165 intàgios de su noighentos de autores bàrios, foras pro Guido Colucci), dae sos erederis est istada donada a s'[[Istitutu natzionale pro sa gràfica]]. Guido Colucci at lassadu 600 lastras intagiadas.
== Mustras (dae su 1980) ==
[[File:Aritzo - Costume tradizionale (23).JPG|thumb|[[Aritzu]] - Costùmene traditzionale]]
* 1980 ''Palio e Contrade. Immagini in cartolina'', Siena (intàgios colorados, cartolinas, lìberos)
* 1980 ''Disegni del XX secolo nella collezione del Gabinetto delle Stampe'', Roma (disinnu) 
* 1999 ''Guido Colucci e l'abbigliamento tradizionale della Sardegna'', Nùgoro (intàgios colorados)
* 2001-2002 ''Guido Colucci e l'abbigliamento sardo'', Casteddu (intàgios colorados)
* 2002 ''Guido Colucci e l'abbigliamento sardo'', Prato (intàgios colorados)
* 2003 ''Tra Accademia e Avanguardia: l'acquaforte in Italia nella prima metà del Novecento'', Reggio Emilia (intàgios)
* 2003 ''Mantillas y oro'', Madrid (intàgios colorados)
* 2008-2009 ''Isuli sureddi. Corsica Sardegna. Deux îles en miroir'', Corte (Còrsiga) (intàgios colorados, ex libris, tèmperas, tzeràmicas L.E.D.A.)
* 2009 ''La Sardegna veste la moda'', Firentze (intàgios colorados)
* 2009 ''La Sardegna veste la moda'', Casteddu (intàgios colorados)
* 2010 ''Florence Remembered. Intaglio Prints by Guido Colucci (1877-1949). Firenze Ricordata: Incisioni di Guido Colucci (1877-1949)'', Firentze (intàgios originales e reimprentas dae lastras originales)
* 2015 ''L'abbigliamento tradizionale della Sardegna nelle incisioni di Guido Colucci'', Samugheo (Aristanis) (disinnos e intàgios colorados) (Mustra itinerante in Sardigna).

== Bibliografia (dae su 1980) ==
* {{Tzita libru| curadore=Federica Di Castro | tìtulu=Disegni del XX secolo nella Collezione del Gabinetto delle Stampe | annu=1980 | editore=De Luca | tzitade=Roma}}
* {{Tzita libru| Falassi | Alessandro | Palio e Contrade | 1980 | Centrooffset | Siena |autore2=Roberto Barzanti}}
* {{Tzita libru| Fausta | Samaritani | Identificazione di un autore | 1993 | in: ''Faenza'', LXXIX, n. 1-2 | autore2=Silvia Giordani}}
* {{Tzita libru| Flavio | Orlando | Guido Colucci. Alla ricerca delle vestiture tradizionali sarde | 1998 | Carlo Delfino Editore | Tàtari}}
* {{Tzita libru| Flavio | Orlando | Guido Colucci e l'Abbigliamento Tradizionale della Sardegna | 1999 | Carlo Delfino Editore |Tàtari}}
* {{Tzita libru| curadore= Chiara Panizzi | tìtulu=Tra Accademia e Avanguardia: l'acquaforte in Italia nella prima metà del Novecento. Progetto e realizzazione della mostra Zeno Davoli | annu=2003 | editore=Biblioteca Panizzi e Gabinetto delle stampe A. Davoli | tzitade=Reggio Emilia}}
* {{Tzita libru| Emanuele | Gaudenzi | Novecento. Ceramiche italiane. Protagonisti  e opere del 20° secolo.  vol I Dal Liberty al Deco | 2006 | Gruppo editoriale Faenza | Faenza}}
* {{Tzita libru| curadore=Fausta Samaritani | tìtulu=Archivio elettronico Guido Colucci. Parte prima | annu=2007 | editore=repubblicaletteraria.net | tzitade=Roma |curadore2=Silvia Giordani | SBN =IT\ICCU\PIS\0012086}} Risursa eletrònica
* {{Tzita libru|| AAVV | Isuli sureddi. Corsica Sardegna. Deux îles en miroir | 2008 | Carlo Delfino Editore | Tàtari}}
* {{Tzita libru| curadore=Fausta Samaritani | tìtulu=Archivio elettronico Guido Colucci. Parte seconda | annu=2009 | editore=repubblicaletteraria.net | tzitade=Roma | curadore2=Silvia Giordni |SBN =
IT\ICCU\LO1\1254103}} Risùrsa eletrònica
* {{Tzita libru| curadore=Bonizza Giordani Aragno | tìtulu=La Sardegna veste la moda | annu=2009 | editore=Carlo Delfino | tzitade=Tàtari}}

== Riferimentos ==
<references />{{Controllu de autoridade}}
{{Artìculu de su mese|cabudanni|2024}}
[[Categoria:italianos]]