ᱱᱟᱦᱮᱞ

ᱱᱟᱦᱮᱞ ᱛᱮ ᱥᱤᱭᱩᱜ ᱠᱟᱱᱟᱭ

ᱱᱟᱦᱮᱞ ᱫᱚ ᱥᱤᱭᱩᱜ ᱟᱨᱵᱟᱝ ᱪᱟᱥ ᱞᱟᱹᱜᱤᱫ ᱢᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱥᱟᱢᱟᱱ ᱠᱟᱱᱟ ᱾ ᱱᱟᱦᱮᱞ ᱫᱚ BC ᱕᱕᱐᱐ ᱨᱮ ᱢᱮᱥᱚᱯᱚᱴᱟᱢᱤᱭᱟ ᱨᱮ ᱥᱤᱨᱤᱡᱽ ᱞᱮᱱ ᱛᱟᱦᱮᱸᱫ ᱾ ᱢᱟᱹᱱᱢᱤ ᱠᱚ ᱪᱟᱥᱵᱟᱥ ᱞᱟᱹᱜᱤᱫ ᱱᱚᱶᱟ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱛᱟᱦᱮᱸᱠᱟᱱᱟ, ᱪᱮᱫᱟᱜ ᱥᱮ ᱵᱟᱧᱪᱟᱣ ᱞᱟᱹᱜᱤᱫ ᱡᱚᱢ ᱞᱟᱹᱠᱛᱤᱜ ᱠᱟᱱ ᱜᱮᱭᱟ ᱟᱨ ᱡᱚᱢ ᱫᱚ ᱪᱟᱥ ᱠᱮᱛᱮ ᱮᱟᱱᱟᱝ ᱵᱮᱱᱟᱣ-ᱟ ᱾ ᱪᱟᱥ ᱞᱟᱹᱜᱤᱫ ᱠᱷᱟᱱ ᱦᱟᱥᱟ ᱫᱚ ᱵᱮᱥ ᱞᱮᱠᱟ ᱜᱩᱰᱟᱹ ᱦᱩᱭᱩᱜ-ᱟ ᱛᱚᱵᱮ ᱮᱱᱟᱝ ᱚᱱᱟ ᱦᱟᱥᱟ ᱡᱮ ᱤᱛᱟᱹᱭ ᱦᱟᱨᱟ ᱫᱟᱲᱮᱭᱟᱜ-ᱟ ᱟᱞᱜᱟ ᱛᱮ ᱟᱨ ᱞᱟᱜᱮ ᱫᱷᱟᱨᱟ ᱨᱮᱦᱮᱫ ᱮ ᱥᱟᱵ ᱫᱟᱲᱮᱭᱟᱜ-ᱟ ᱾ ᱨᱮᱦᱮᱫ ᱥᱟᱵᱚᱜ ᱥᱟᱶᱛᱮ ᱢᱚᱬᱟ ᱜᱮᱞᱮ ᱦᱚᱸ ᱚᱱᱠᱟ ᱜᱮ ᱦᱯᱭᱩᱜ-ᱟ ᱾ ᱩᱱ ᱚᱠᱛᱚ ᱨᱮᱱᱟᱜ ᱱᱟᱦᱮᱞ ᱟᱨ ᱱᱮᱛᱟᱨᱟᱜ ᱱᱟᱦᱮᱞ ᱪᱮᱛᱟᱱ ᱨᱮ ᱚᱛ ᱥᱮᱨᱢᱟ ᱛᱚᱯᱷᱟᱛ ᱧᱮᱞᱚᱜ-ᱟ ᱾ ᱢᱟᱬᱟᱝ ᱫᱚ ᱱᱟᱶᱟ ᱫᱚ ᱡᱤᱭᱟᱹᱞᱤ ᱠᱚ ᱫᱟᱨᱟᱭ ᱛᱮ ᱦᱩᱭᱩᱜ ᱠᱷᱟᱱ ᱛᱟᱦᱮᱸᱫ ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱢᱤᱥᱤᱱ ᱫᱟᱨᱟᱭ ᱛᱮ ᱜᱮ ᱾

ᱜᱚᱲᱦᱚᱱ

ᱱᱟᱦᱮᱞ ᱨᱮᱭᱟᱜ ᱟᱭᱢᱟ ᱦᱤᱸᱥ ᱛᱟᱦᱮᱱᱟ᱾ ᱱᱟᱦᱮᱞ ᱫᱚ ᱟᱥᱚᱞᱠᱟᱭᱛᱮ ᱠᱟᱴ ᱨᱮᱭᱟᱜ ᱠᱚ ᱵᱮᱱᱟᱣᱟ᱾ ᱟᱹᱛᱩ ᱨᱮᱱ ᱠᱟᱴ ᱢᱤᱥᱛᱨᱤ ᱱᱟᱦᱮᱞ ᱠᱚ ᱵᱮᱱᱟᱣᱟ᱾ ᱱᱟᱦᱮᱞ ᱨᱮᱭᱟᱜ ᱦᱤᱸᱥ ᱛᱮ ᱦᱟᱥᱟ ᱵᱩᱰᱟᱹᱜ ᱪᱟᱞᱟᱜ ᱚᱱᱟ ᱫᱚ ᱯᱟᱞ ᱠᱚ ᱢᱮᱛᱟᱜ-ᱟ᱾ ᱱᱟᱦᱟᱞᱮ ᱫᱚ ᱠᱟᱴ ᱡᱚᱲᱟᱣ ᱠᱟᱛᱮ ᱠᱚ ᱵᱮᱱᱟᱣᱟ᱾ ᱥᱮᱫᱟᱭ ᱫᱚ ᱱᱟᱦᱮᱞ ᱠᱟᱴ ᱛᱮ ᱵᱮᱱᱟᱣ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱨᱮ ᱞᱟᱜᱟᱛᱚᱜ ᱠᱟᱱ ᱛᱤᱢᱤᱱ ᱜᱟᱱ ᱡᱤᱱᱤᱥ ᱠᱚ ᱫᱚ-

• ᱑) ᱱᱟᱦᱮᱞ
• ᱒)ᱤᱥᱤ
• ᱓)ᱟᱨᱟᱬ
• ᱔)ᱯᱟᱞ
• ᱕)ᱱᱟᱜᱽᱞᱮ
• ᱖)ᱡᱚᱲᱟ ᱵᱟᱵᱮᱨ
• ᱗)ᱠᱟᱬᱵᱟ

ᱛᱤᱢᱤᱱ ᱜᱟᱱ ᱱᱟᱦᱮᱞ ᱨᱮ ᱫᱚ ᱠᱟᱬᱵᱟ ᱦᱚᱸ ᱥᱟᱶᱛᱮ ᱜᱮ ᱵᱮᱱᱟᱣ ᱠᱚᱜ-ᱟ ᱟᱨ ᱛᱤᱢᱤᱱ ᱜᱟᱱ ᱨᱮ ᱫᱚ ᱠᱷᱚᱸᱡᱟ ᱛᱟᱦᱮᱸᱱᱟ ᱾ᱱᱟᱦᱮᱞ ᱥᱟᱶ ᱱᱩᱠᱩ ᱫᱚ ᱟᱹᱰᱤ ᱜᱮ ᱠᱚ ᱞᱟᱹᱠᱛᱤᱭᱟᱱᱟ ᱛᱚᱵᱮ ᱮᱱᱟᱜ ᱥᱤᱭᱩᱜ ᱫᱚ ᱜᱟᱱᱚᱜ-ᱟ ᱾

ᱱᱮᱛᱟᱨ ᱱᱟᱦᱮᱞ

ᱴᱨᱟᱠᱴᱚᱨ ᱛᱮ ᱥᱤᱭᱩᱜ

ᱱᱮᱛᱟᱨ ᱢᱟ ᱡᱚᱛᱚ ᱴᱷᱟᱶ ᱨᱮᱜᱮ ᱢᱤᱥᱤᱱ ᱛᱮ ᱠᱟᱹᱢᱤᱜ ᱠᱟᱱᱟ ᱾ ᱚᱱᱠᱟᱛᱮ ᱱᱮᱛᱟᱨ ᱫᱚ ᱢᱤᱥᱤᱱ ᱟᱨᱵᱟᱝ ᱜᱟᱹᱰᱤ ᱠᱚᱛᱮ ᱜᱮ ᱵᱟᱹᱲᱛᱤ ᱫᱚ ᱪᱟᱥᱵᱟᱥ ᱦᱩᱭᱩᱜ ᱠᱟᱱᱟ ᱾ ᱥᱤᱭᱩᱜ, ᱯᱟᱲᱟᱜ, ᱞᱚᱥᱚᱫ, ᱤᱨᱩᱜ ᱠᱷᱚᱱ ᱮᱦᱚᱵ ᱠᱟᱛᱮ ᱮᱱ ᱦᱟᱹᱵᱤᱡ ᱢᱤᱥᱤᱱ ᱛᱮᱜᱮ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ ᱴᱨᱟᱠᱴᱚᱨ ᱟᱨ ᱯᱟᱣᱟᱨ ᱴᱤᱞᱚᱨ ᱵᱟᱹᱲᱛᱤ ᱵᱮᱵᱷᱟᱨᱚᱜ ᱠᱟᱱᱟ ᱾

ᱵᱟᱨᱦᱮ ᱡᱚᱲᱟᱣᱠᱚ

• The Rotherham Plough — the first commercially successful iron plough
• History of the steel plough — as developed by John Deere in the United States
• Breast Ploughs and other antique hand farm tools Archived ᱒᱐᱑᱐-᱐᱓-᱒᱔ at the Wayback Machine.
• "Tractor Guide Saves Labor for the Farmer", Popular Mechanics, December 1934.