ᱪᱮᱠᱷᱚᱵᱽ ᱟᱱᱴᱚᱱ
ᱪᱮᱠᱷᱚᱵᱽ ᱟᱱᱴᱚᱱ
Anton Pavlovich Chekhov (ᱨᱩᱥᱤᱭᱟᱹ :Анто́н Па́влович Че́хов, IPA: [ʌnˈton ˈpavləvʲɪtɕ ˈtɕɛxəf]) ; [ᱡᱟᱱᱩᱣᱟᱨᱤ ᱙, ᱑᱘᱖᱐ - ᱑᱕, ᱡᱩᱞᱟᱭ ᱑᱙᱐᱔] ᱨᱩᱥ ᱨᱤᱱᱤᱡ ᱠᱟᱹᱦᱱᱤ ᱞᱟᱹᱱᱟᱹᱭᱤᱭᱟᱹ ᱟᱨ ᱜᱟᱭᱟᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱠᱷᱟᱴᱚ ᱢᱟᱪᱷᱟ ᱥᱟᱶᱦᱮᱫᱤᱭᱟᱹ ᱡᱤᱭᱚᱱ ᱨᱮ ᱩᱱᱤ ᱨᱩᱥᱤ ᱯᱟᱹᱨᱥᱤ ᱫᱚ ᱯᱩᱱᱭᱟᱹ ᱠᱟᱞᱡᱚᱭᱤ ᱜᱟᱭᱟᱱ ᱮ ᱮᱢ ᱠᱮᱜᱼᱟ ᱛᱤᱱ ᱡᱚᱦᱚᱜ ᱩᱱᱤᱭᱟᱜ ᱠᱟᱹᱦᱱᱤ ᱠᱚᱫᱚ ᱡᱮᱜᱮᱛ ᱨᱤᱱ ᱛᱩᱞᱟᱹᱡᱚᱠᱷᱤᱭᱟᱹ ᱟᱨ ᱜᱟᱞᱚᱪᱤᱭᱟᱹ ᱠᱚ ᱫᱟᱨᱟᱭ ᱛᱮ ᱟᱹᱰᱤ ᱢᱟᱹᱱ ᱥᱟᱛᱞᱟᱜ ᱥᱟᱨᱦᱟᱣᱱᱟ ᱠᱚ ᱪᱟᱞ ᱟᱜ ᱠᱟᱱ ᱛᱟᱦᱮᱸᱫ ᱾ ᱪᱮᱠᱷᱚᱵᱽ ᱟᱡᱟᱜ ᱥᱟᱶᱦᱮᱫᱤᱭᱟᱹ ᱡᱤᱭᱚᱱ ᱨᱮᱭᱟᱜ ᱚᱠᱛᱚᱨᱮ ᱵᱟᱹᱲᱛᱤ ᱠᱟᱭᱛᱮ ᱛᱤᱠᱷᱪᱷᱟᱹ ᱟᱨ ᱵᱮᱵᱽᱥᱟᱭ ᱠᱟᱹᱢᱤ ᱨᱮ ᱜᱷᱳᱲ ᱮ ᱛᱟᱦᱮᱸ ᱞᱮᱱᱟ ᱾ ᱩᱱᱤᱭ ᱢᱮᱱ ᱛᱟᱦᱮᱸᱱᱚᱜ ᱫᱚ ᱛᱤᱠᱪᱷᱟᱹ ᱫᱚ ᱤᱧᱤᱡ ᱫᱷᱚᱨᱚᱢ ᱮᱨᱟ ᱟᱨ ᱥᱟᱶᱦᱮᱫ ᱫᱚ ᱤᱧᱤᱡ ᱫᱩᱞᱟᱹᱲᱤᱭᱟᱹ ᱾
ᱡᱟᱱᱟᱢ ᱟᱨ ᱚᱞ ᱯᱚᱲᱦᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱡᱟᱱᱟᱢ ᱫᱚ ᱫᱩᱠᱷᱤᱱ ᱨᱩᱥ ᱨᱮᱭᱟᱜ ᱛᱚᱜᱟᱱᱨᱳᱜᱽ ᱨᱮ ᱒᱙ ᱡᱟᱱᱩᱣᱟᱨᱤ ᱑᱘᱖᱐ ᱥᱟᱞᱮᱨᱮ ᱢᱤᱫ ᱫᱚᱠᱟᱱᱤᱭᱟᱹ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱᱟ ᱾ ᱑᱘᱖᱘ ᱠᱷᱚᱱ ᱑᱘᱗᱙ ᱫᱷᱟᱹᱵᱤᱡ ᱪᱮᱠᱷᱚᱵᱽ ᱫᱚ ᱩᱱᱩᱥᱩᱞ ᱟᱥᱲᱟ ᱨᱮ ᱥᱮᱪᱮᱫ ᱮ ᱟᱨᱡᱟᱣ ᱠᱮᱜᱼᱟ ᱾ ᱑᱘᱗᱙ ᱠᱷᱚᱱ ᱑᱘᱘᱔ ᱫᱷᱟᱹᱵᱤᱡ ᱪᱮᱠᱷᱚᱵᱽ ᱫᱚ ᱢᱟᱥᱠᱳ ᱨᱮᱭᱟᱜ ᱢᱮᱰᱤᱠᱟᱞ ᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱜᱼᱟ ᱟᱨ ᱰᱟᱠᱛᱚᱨᱤ ᱠᱟᱹᱢᱤᱭ ᱮᱛᱚᱦᱚᱵ ᱠᱮᱜᱼᱟ ᱾
ᱡᱤᱭᱚᱱ ᱩᱯᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱘᱘᱐ ᱨᱮ ᱪᱮᱠᱷᱚᱵᱽ ᱫᱚ ᱟᱡᱟᱜ ᱯᱩᱭᱞᱩ ᱠᱟᱹᱦᱱᱤᱭ ᱯᱟᱨᱥᱟᱞ ᱠᱮᱜᱼᱟ ᱟᱨ ᱑᱘᱘᱔ ᱨᱮ ᱚᱱᱟ ᱨᱮᱭᱟᱜ ᱟᱡᱟᱜ ᱯᱩᱭᱞᱩ ᱠᱟᱹᱦᱱᱤ ᱜᱩᱸᱴ ᱚᱰᱚᱠ ᱮᱱᱟ ᱾ ᱑᱘᱘᱖ ᱨᱮ "ᱨᱚᱝᱜᱚᱵᱤᱨᱤᱜᱤ ᱠᱟᱹᱦᱱᱤ ᱠᱚ" ᱧᱩᱛᱩᱢᱟᱱ ᱯᱩᱛᱷᱤ ᱯᱟᱨᱥᱟᱞ ᱮᱱᱟ ᱟᱨ ᱑᱘᱘᱗ ᱨᱮ ᱯᱩᱭᱞᱩ ᱜᱟᱭᱟᱱ "ᱤᱵᱟᱱ" ᱑᱘᱙᱐ ᱨᱮ ᱪᱮᱠᱷᱚᱵᱽ ᱫᱚ ᱥᱚᱠᱷᱟᱝᱤᱱ ᱰᱷᱤᱯ ᱮ ᱥᱟᱸᱜᱷᱟᱨ ᱠᱮᱜᱼᱟ ᱡᱟᱦᱟᱸᱨᱮ ᱩᱱᱤ ᱫᱮᱥ ᱵᱟᱦᱮᱨ ᱟᱠᱟᱱ ᱦᱚᱲ ᱠᱚᱣᱟᱜ ᱦᱟᱨᱠᱮᱛᱟᱱᱟᱜ ᱡᱤᱭᱚᱱ ᱮ ᱩᱨᱩᱢ ᱧᱟᱢ ᱠᱮᱜᱼᱟ ᱾ ᱱᱚᱣᱟ ᱥᱟᱸᱜᱷᱟᱨ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ "ᱥᱚᱠᱷᱟᱞᱤᱱ ᱤᱡᱽᱞᱟᱸᱰ" ᱧᱩᱛᱩᱢᱟᱱ ᱢᱤᱫ ᱯᱚᱛᱚᱵ ᱮ ᱚᱞ ᱠᱮᱜᱼᱟ ᱾ ᱑᱘᱙᱒ ᱠᱷᱚᱱ ᱑᱘᱙᱙ ᱫᱷᱟᱹᱵᱤᱡ ᱪᱮᱠᱷᱚᱵᱽ ᱢᱟᱥᱠᱳ ᱨᱮᱭᱟᱜ ᱠᱱᱝᱠᱨᱤᱴ ᱟᱹᱛᱩ "ᱢᱮᱞᱤᱠᱷᱳᱵᱳ" ᱨᱮᱭ ᱛᱟᱦᱮᱸ ᱞᱮᱱᱟ ᱾ ᱱᱚᱶᱟ ᱥᱮᱨᱢᱟ ᱨᱮ ᱟᱠᱟᱞ ᱚᱠᱛᱚ ᱨᱮ ᱪᱮᱠᱷᱚᱵᱽ ᱫᱚ ᱪᱟᱹᱥᱤ ᱠᱚ ᱜᱚᱲᱚ ᱥᱚᱦᱚᱫ ᱠᱚ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱠᱮᱜᱼᱟ ᱟᱨ ᱦᱟᱹᱭᱡᱟᱹ ᱛᱮ ᱦᱟᱨᱠᱮᱛᱚᱜ ᱠᱟᱱ ᱚᱠᱛᱚ ᱨᱮᱦᱚᱸ ᱟᱹᱰᱤ ᱪᱩᱦᱩᱞ ᱢᱚᱱᱮᱛᱮ ᱰᱟᱠᱛᱚᱨᱤ ᱠᱟᱹᱢᱤᱭ ᱛᱚᱨᱟᱣ ᱞᱮᱜᱼᱟ ᱾ ᱑᱘᱙᱙ ᱨᱮ ᱪᱮᱠᱷᱚᱵᱽ ᱮ ᱵᱮᱢᱟᱨ ᱮᱱᱟ ᱡᱟᱦᱟᱸ ᱠᱷᱟᱹᱛᱤᱨ ᱩᱱᱤ ᱠᱨᱤᱢ (ᱠᱨᱟᱭᱢᱤᱭᱟ) ᱨᱮᱭᱟᱜ ᱭᱮᱞᱴᱟ ᱱᱟᱜᱟᱨ ᱨᱮᱭ ᱵᱟᱥᱟ ᱵᱚᱥᱠᱚᱫ ᱮᱱᱟ ᱾ ᱚᱸᱰᱮ ᱪᱮᱠᱷᱚᱵᱽ ᱫᱚ ᱜᱳᱨᱠᱤ ᱥᱟᱞᱟᱜ ᱮ ᱩᱯᱨᱩᱢ ᱮᱱᱟ ᱾
ᱢᱟᱹᱱ ᱦᱟᱞᱟᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱐᱒ ᱨᱮ ᱪᱮᱠᱷᱳᱵᱽ ᱫᱚ "ᱥᱚᱱᱢᱟᱱᱤᱛ ᱮᱠᱟᱰᱮᱢᱤᱥᱤᱭᱟᱱ" ᱥᱤᱨᱯᱷᱟᱹᱭ ᱧᱟᱢ ᱠᱮᱜᱼᱟ ᱾ ᱤᱠᱷᱟᱹᱱ ᱛᱤᱱ ᱡᱚᱦᱚᱜ ᱑᱙᱐᱒ ᱨᱤ ᱨᱩᱥᱤ ᱡᱟᱨ ᱱᱤᱠᱳᱞᱚᱥ ᱫᱚᱥᱟᱨ ᱫᱚ ᱜᱳᱨᱠᱤ ᱞᱟᱹᱜᱤᱫ ᱱᱚᱝᱠᱟᱱ ᱥᱤᱨᱯᱷᱟ ᱮᱥ ᱨᱮᱭᱟᱜ ᱯᱷᱟᱹᱭᱥᱟᱞᱟᱭ ᱡᱟᱸᱜᱮ ᱠᱮᱜᱼᱟ ᱩᱱ ᱡᱚᱦᱚᱜ ᱪᱮᱠᱷᱳᱵᱽ ᱟᱡᱟᱜ ᱵᱤᱨᱳᱫᱷ ᱥᱚᱫᱚᱨ ᱞᱟᱹᱜᱤᱫ ᱛᱮ ᱟᱡᱟᱜ ᱱᱚᱶᱟ ᱞᱟᱯᱷᱟᱝ ᱢᱟᱹᱱ ᱥᱤᱨᱯᱷᱟᱹ ᱵᱟᱝ ᱟᱯᱱᱟᱨ ᱨᱮᱭᱟᱜ ᱮ ᱴᱷᱟᱹᱣᱠᱟᱹᱞᱮᱜᱼᱟ ᱾ ᱑᱙᱐᱑ ᱥᱟᱞᱮᱨᱮ ᱪᱮᱠᱷᱳᱵᱽ ᱫᱚ ᱣᱤᱱᱯᱯᱮᱨ ᱧᱩᱛᱩᱢᱟᱱ ᱜᱟᱭᱟᱱᱤᱭᱟᱹ ᱥᱟᱶ ᱮ ᱵᱟᱯᱞᱟ ᱮᱱᱟ ᱾ ᱟᱡᱤᱡ ᱮᱨᱟ ᱫᱚ ᱚᱱᱟ ᱯᱷᱤᱞᱤᱢ ᱵᱟᱹᱠᱷᱳᱞ ᱨᱤᱱᱤᱡ ᱜᱟᱭᱟᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱨᱮ ᱪᱮᱠᱷᱳᱵᱽ ᱟᱜ ᱟᱹᱰᱤᱜᱟᱱ ᱜᱟᱭᱟᱱ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫ ᱛᱟᱦᱮᱸᱱ ᱾ ᱑᱙᱐᱔ ᱥᱟᱞᱮ ᱨᱮᱭᱟᱜ ᱡᱩᱱ ᱨᱮ ᱟᱡᱟᱨ ᱟᱹᱰᱤ ᱨᱤᱦᱤᱴ ᱛᱮ ᱯᱟᱥᱱᱟᱣ ᱮᱱ ᱠᱷᱟᱹᱛᱤᱨ ᱪᱮᱠᱷᱳᱵᱽ ᱫᱚ ᱛᱤᱠᱪᱷᱟᱹᱜ ᱞᱟᱹᱜᱤᱫ ᱡᱚᱨᱢᱟᱱᱤᱭ ᱪᱟᱞᱟᱣ ᱮᱱᱟ ᱾ ᱚᱸᱰᱮᱜᱮ ᱵᱟᱫᱮᱱᱵᱮᱞᱚᱨ ᱱᱟᱜᱟᱨ ᱨᱮ ᱩᱱᱤᱭᱟᱜ ᱡᱤᱣᱤ ᱵᱟᱹᱛᱤ ᱫᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱤᱬᱤᱡ ᱥᱟ.ᱨᱤ ᱮᱱᱟ ᱾ ᱪᱮᱠᱷᱳᱵᱽ ᱟᱜ ᱥᱚᱢᱟᱫᱷᱤ ᱫᱚ ᱢᱟᱥᱠᱳ ᱨᱮ ᱢᱮᱱᱟᱜᱼᱟ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Biography at The Literature Network
- "Chekhov's Legacy" by Cornel West at National Public Radio|NPR, 2004
- The International competition of philological, culture and film studies works dedicated to Anton Chekhov's life and creative work
- 201 Stories by Anton Chekhov, translated by Constance Garnett presented in chronological order of Russian publication with annotations.
- Антон Павлович Чехов. Указатель Texts of Chekhov's works in the original Russian, listed in chronological order, and also alphabetically by title. Retrieved June 2013.
- Антон Павлович Чехов Texts of Chekhov's works in the original Russian. Retrieved 16 February 2007.
- Plays, Three Sisters by Anton Chekhov.