Пантеизм

Вызнамны пантеисты, стѣнна мальба Леви Понса (Венеция, Калифорния, США)

Пантеи́зм, од гр. πᾶν вшитко + θεός Бог — религийна ай филозофична доктрина, подля котрой Бог неоддѣлный од свѣта, Бог и свѣт суть едно. Яко религийне учѣня е в протикладѣ з теизмом, оддѣляючым Бога яко трансцендентного безчасо́вого творця од свѣта, его дочасного вытвора.

Атеизм представлять свѣт без Бога, теизм кладе Бога окреме од сотвореного ним свѣта, а пантеизм поважуе, же свѣт е Бог, а Бог е свѣт. Але свѣт яко Вселена, не вшак каждый его окремый предмет (тото фетишизм)

Пантеизм мать веце форм або вариантох, зависимо од того, як суть суть трактованы властности и вязбы двох сторон тотожности. Пантеизм исторично взникнув ходом од теологии ку филозофии. Бог пантеизма — тото филозофичный бог-субстанция, а не теологичный Бог-особность. Зато вшиткы пробы захранити идею Бога и едночасно выбудовати онтологию, выходячу зоз идеи едности, самопороджѣня и самопричинности свѣта, циже онтологию, ориентовану на научный свѣтонагляд, незмѣнно приводили ку пантеизму.

Жерела и одказы

• Otto J., ред. (1902). Pantheismus (по чешскы). //Ottův slovník naučný. Illustrovaná encyklopaedie obecných vědomostí. Díl 19 P–Pohoř. Praha: J. Otto. 
• Вышегородцева О. В. (2010). Пантеизм (по русскы). //Новая философская энциклопедия в четырех томах. 3 Н–С. Москва: Мысль. ISBN 978-2-244-01118-0. 

Вышегородцева О. В.. Пантеизм (по русскы). https://iphlib.ru/library/collection/newphilenc/document/HASH01fe0f108a5aa0b1a52b1bfd. [перевірено 2019-06-04].