Simon Petrus
|
Questa pagina è scritta en puter. |
.jpg)
Simon Petrus [inrumantscho per puter Schimun Peider] (* in Galilea in Israel dal Nord, † intuorn l'an 67 zieva la naschentscha da Gesu Crist, prubabelmaing executo insembel cun Paulus da Tarsus) d'eira il prüm discipul cha Gesu da Nazaret ho clamo per al fer seguir.
Vita
[modifitgar | modifitgar il code]Da mister d'eira Petrus pas-cheder al lej da Genezaret. Zieva la clamaziun scu scolar da Gesu dvantaiva Petrus il mneder dal circul dals discipuls. Gesu l'imprometta ch'el vöglia fabricher la baselgia "sün quist spelm" (la dumanda es, scha quist'impromischiun reguarda a Petrus svess scu persuna u a sia confessiun da crajer in Gesu - e pel cas cha Petrus es managio persunelmaing scha que pudess funder ün uffizi da successuors). Perque porta'l lura il nom hom da spelm (spelm per lingua greca = petra).
Cun sieu nom as collian otezzas e chafuolezzas d'ün caracter ferm, però na stabel: la prüma confessiun cha Gesu saja il cristus, il figl da Dieu, ma eir il schnajamaint da Gesu, accumpagno d'ün sbreg da trais voutas d'ün chöd – precis uschè cu cha Gesu vaiva previs ed annunzcho.
Recepziun tres las confessiuns
[modifitgar | modifitgar il code]La baselgia catolica romauna al considerescha scu'l prüm papa, sül quêl tuots successuors as basan.
Il protestantissem onurescha a Petrus scu ün exaimpel da cretta, da tentaziun, da deblezza e d'arvschida da grazcha divina.