Brasil
| Brasil | |||
|
|
|||
|
|||
| Hymno: Hymno national brasilian | |||
 |
|||
| Nomine native | República Federativa do Brasil | ||
|---|---|---|---|
| Classe | stato soveran[*], stato secular, rule of law[*], pais, republica federal[*] | ||
| Pais | Portuguese Empire[*], Brasil | ||
| Capital | Rio de Janeiro, Brasilia, Brasilia | ||
| Population | 203 062 512 | ||
| Area | 8 515 767 km²  |
||
| Coordinatas | 14°S, 53°W | ||
| Linguas official | Brazilian Sign Language[*], Lingua portugese | ||
| Fuso horari | UTC-02:00[*], UTC-02:00[*], UTC-03:00[*], UTC-03:00[*], UTC-03:00[*], UTC-04:00[*], UTC-04:00[*], UTC-05:00[*] | ||
| Codice telephonic | +55 | ||
| Valuta | Brazilian real[*], Brazilian cruzeiro real[*], cruzeiro[*], Brazilian cruzado novo[*], Brazilian cruzado[*], cruzeiro novo[*], cruzeiro[*], Brazilian réis[*], cruzeiro[*] | ||
| Dominio de Internet | .br[*] | ||
| ISO 3166-1 alpha-2 | BR | ||
| ISO 3166-1 alpha-3 | BRA | ||
| ISO 3166-1 numeric | 076 | ||
| Codice IOC | BRA | ||
| Geonames ID | 3469034 | ||
| Sito web: https://www.gov.br | |||
 |
|||
| Wikimedia Commons Category Brazil | |||
Brasil[1] (nomine official Republica Federative de Brasil) es un republica federative formate per le union de 26 statos e per le Districto Federal. Le pais ha 5.565 municipalitates, 211.000.000 habitantes e un area de 8.511.965 km², equivalente a 47% del territorio sudamerican. Illo es le major pais de America del Sud.
Historia
[modificar | modificar fonte]Articulo principal: Historia de Brasil
In 1500 Pedro Álvares Cabral comenciava un viage verso India[2] Levava duo caravellas e 13 naves, e plus o minus 1 500 homines[3]. Le corona portugese voleva que ille usava le route maritime aperite per Vasco da Gama circum le Capa de Bon Sperantia. Pro evitar un zona de calmas in le Golfo de Guinea, ille navigava verso le west e su flotta incontrava ventos que finalmente lo pulsava usque le continente sudamerican in april 1500.
Durante le annos inter 1533 e 1549 le corona portugese divideva Brasil in 15 divisiones territorial, nominate "capitanias", que le rege dava a homines portugese ric (donatórios), qui, a cambio de multe poteres e privilegios, debeva usar lor proprie capital pro colonisar iste territorios e disveloppar lor ressources economic.
Inter iste capitanias solmente duo, Pernambuco e São Vicente (al sud del actual citate de Santos), habeva multe successo, Pernambuco a causa del commercio in sucro e São Vicente a causa del sucro e del elevamento de bestial bovin.
Respondente al fallimento general del capitanias, le rege, João III, assumeva lor direction per medio de un governator general con ample poteres politic. In le capitanias, le governator general esseva representate per un gruppo de functionarios local, qui fortificava le punctos strategic del costa e governava le municipios local secundo patronos jam establite in citates portugese. Le rege anque establiva le capital del pais in Bahia. Iste reorganisation del colonia attraheva multe nove colonos a Brasil.
Le prime governator de Brasil, Tomé de Sousa, veniva al colonia con un gruppo de jesuitas, qui habeva un rolo importante in le disveloppamento del pais. Illes establiva scholas, pro exemplo. Ma illes anque inspirava un opposition forte inter le latifundistas del colonia, qui essayava subjugar le indianos brasilian.
Durante que le corona portugese reorganisava le governamento de Brasil, Francia essayava establir un colonia permanente in le territorio brasilian. In 1555 Nicolas de Villegagnon, un aventurero qui habeva le appoio de Henri II de Francia, invadeva le porto de lo que iva esser Rio de Janeiro. Le governator general, Mem de Sá, ducente un armea considerabile, attaccava e expelleva le franceses e establiva le citate que finalmente devenirea le capital de Brasil.
Le franceses esseva persistente. In le prime parte del seculo XVIII illes essayava establir se in le litore Atlantic del sud de Brasil. Durante que Portugal esseva sub le corona espaniol (1580-1640) truppas hollandeses anque occupava Bahia e Pernambuco, le capital ric del region principal que produceva sucro, pro lor proprie uso. In despecto del opposition del corona espaniol/portugese, le brasilianos del nord-est e del region de São Paulo conjunctemente poteva expeller le hollandeses ex lor pais.
In despecto de su distantia de Europa, le politica Napoleonic habeva un grandissime influentia in le disveloppamento politic de Brasil. Secundo le "systema continental" de Napoleon, nulle pais europee poteva facer commercio con Britannia. Portugal e Anglaterra habeva essite alliatos durante multe tempore, e le governamento portugese continuava su commercio con le angleses. Napoleon respondeva marchante su truppas verso Lisbona. Con le adjuta del marina de guerra britannic, omne le familia regal, su corte, e su functionarios escappava al Brasil.
Politica
[modificar | modificar fonte]Articulo principal: Politica de Brasil
Regiones e statos
[modificar | modificar fonte]Articulo principal: Regiones e statos de Brasil
Geographia
[modificar | modificar fonte]Articulo principal: Geographia de Brasil
Economia
[modificar | modificar fonte]Articulo principal: Economia de Brasil
Demographia
[modificar | modificar fonte]Articulo principal: Demographia de Brasil
Cultura
[modificar | modificar fonte]Articulo principal: Cultura de Brasil
Sport
[modificar | modificar fonte]- Articulo principal: Sport in Brasil
Brasil es primarimente famose pro su equipa national de football, que ha ganiate le cuppa mundial cinque vices (que es plus que alicun alter equipa), e ha includite jocatores como Pelé, Garrincha, Bebeto e Ronaldo.
Vide etiam
[modificar | modificar fonte]Ligamines externe
[modificar | modificar fonte]- História do Brasil Archived 2005-11-25 at the Wayback Machine
- Governo do Brasil in portugese
Referentias
[modificar fonte]- ↑ Derivation: Entitates: 1. (it) Brasile || 2. (es) Brasil || (pt) Brasil || 3. (fr) Brésil || 4. (en) Brazil || Controlo: (de) Brasilien || (ru) Бразилия || - (Extra): (la) Brasilia
- ↑ Portal do Governo Brasileiro - História do Brasil
- ↑ Biblioteca Nacional As Viagens dos Portugueses - A Armada
| ||||||||||||||
| ||||||||||||||
