دھبیاں آلا لگڑبگڑ

ہائینا
دیس :	جنور
برادری:	کورڈیٹ
پتی :	ماس کھانے
ٹبر :	ہائینا
سائینسی ناں:	Crocuta crocuta
پھرن تھاں رنگ وچ

لگڑبگڑ افریفہ دا اک ماس کھانا اے۔ ایہ دکھنی صحرائی افریقہ دا واسی اے۔ ایہدا مکن دا ڈر نئیں تے ایہدی گنتی 27،000 توں 47،000 دے وشکار اے۔ ایہ ہائینا ٹبر دا سب توں ودا سنگی اے۔ ایہ ٹولیاں بنا کے ریندے نیں تے اک ٹولی وچ 80 تک لگڑ بگڑ ہوسکدے نیں۔ ماداواں ٹولیاں دیاں آگو ہوندیاں نیں۔

وکھالہ

دھبیاں آلہ لگڑ بگڑ 125 توں 160 سینٹی میٹر لما ہوندا اے تے ایہدی پوچھل 22 توں 27 سینٹی میٹر لمی ہوندی اے۔ ایہ مگراں تک 70–91.5 سینٹی میٹر اچا ہوندا اے۔ ایہ 45 توں 55 کلو جوکھ دا ہوندا اے۔ کئی 86 کلو تک وی اپڑدے نیں۔ ماداواں نراں نالوں 10% وڈیاں ہوندیاں نیں۔