Vigneule

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Vigneule     Stat: Italia Region: Piemont Provincia: Provincia ëd Lissandria Nòm 'n italian: Vignole Borbera Coordinà: Latitudin: 44° 42′ 30.1′′ N Longitudin: 8° 53′ 24.9′′ E Autëssa: 243 m s.l.m. Surfassa: 8,65 km² Abitant: 2.162 (2017) Comun dj'anviron: Arquà, Borghet Borbaja, Grondòuna, Seraval Scrivia, Stassan CAP: 15060 Prefiss tel.: 0143 Còdes ÌSTAT: 006180 Còdes fiscal: L887  Sant protetor: san Lorens  Festa dël borgh: 10 d'ost  Sit istitussional Vigneule (Vignole Borbera an italian, E Vigneue an lìgure) a l'é un comun dël Piemont ëd 2.162 abitant , ant la provinsa ëd Lissandria. As treuva ant l'Apenin Lìgure an Val Borbaja, davzin a la confluensa dla Borbaja ant la Scrivia. Stòria La parochial ëd San Lorens A peul esse che Vigneule a sìa stàita fondà an età roman-a, ant l′ager ëd la sità 'd Libarna. Ël nòm Vineola a indicherìa na vigna cita. La prima vèira sorgiss a armonta a l'ann 1000, quand ch'a l'é cità antra i possediment ëd l'abassìa benedetin-a 'd San Pé de Precipiano, ch'as trovava a la confluensa dla Borbaja ant la Scrivia. L'abassìa a l'era stàita fondà dël sécol ch'a fa VII o VIII, dal re longobard Liutprand o da j'abà dl'abassìa 'd San Colomban ëd Beubi. Borgh fortificà ant l'Età ëd mes, a l'é stàit comun lìber a parte dal sécol ch'a fa XIV. Ant j'istess agn a intra ant l'area d'influensa dël Ducà 'd Milan e dël 1405 Filipp Maria Viscont a don-a an feod Vigneule a la famija dij Lonà. Del 1692 ij Lonà a ven-o antitolà marchèis ëd Vigneule. An séguit a la guèra 'd sucession polonèisa, dël 1738 Tortona e sò contà a passo al Regn ëd Sardëgna. Dal 1797 al 1805 Vigneule a l'ha fàit part prima dla Repùblica Lìgure, e peui ëd l'Imperi Fransèis ëd Napoleon Bon-a-part. Tornand ai Savoja, dal 1819 al 1859 a ven a fé part ëd la Provinsa ëd Neuve, sota la Division ëd Génoa e ant ël mandament ëd Seraval Scrivia. Dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859) a l'é passà an manera definitiva a la Provinsa ëd Lissandria, ansema a tut ël Circondari ëd Neuve . Aministrassion Ël sìndich a l'é Giuseppe Teti (da l'08/06/2009, scond mandà dal 26/05/2014). Anliure esterne Sit istitussional Arferiment Panorama

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi