Umberto Caligaris

Umberto Caligaris
	Umberto Caligaris
Anformassion përsonaj
Nòm e cognòm	Umberto Caligaris
Data ëd nàssita	26 lùj 1901
Leu ëd nàssita	Casal Monfrà, Piemont
Posission an camp	tersin
Cariera giovanil
	Casal Fótbal
Cariera da grand1
Nassional
	1 Presense an echip e grije da grand ; mach contà për ij campionà nassionaj. ; * Presense (Grije)

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Umberto Caligaris (Casal Monfrà, 26 lùj 1901 - Turin, 19 otóber 1940) a l'é stàit un fótbaleur e n'antreneur piemontèis che an soa cariera a l'ha giugà da tersin. A l'é 'dcò stàit campion mondial con la Selession italian-a dël 1934.

Cariera

Chërsù ant ël Casal, andoa a l'ha giugà soa prima partìa an prima division aj 12 d'otóber dël 1919: Casal-Valensan-a 3-1.

Con la maja nèira steilà a l'ha giugà vàire campionà fin-a al 1928 quandi a l'é passà a la Juventus andoa, ansema a l'àutr fòrt e famos tersin Rosetta a l'ha formà na cobia 'd difensor franch fòrta. Ansema j doi a l'han vagnà 5 ëscudèt ëd fila tra 'l 1930 e 'l 1935 ansema a Giampiero Combi an pòrta.

A l'ha furnì soa cariera coma giugador-antreneur ant ël Brescia ant la stagion 1935/36 e 1936/37.

Antreneur

A l'ha peui antrenà la Juventus dal 1939 al 1941 quand a l'é mòrt antramentre che a fasìa na partìa tra veje glòrie.

Selession italian-a

A l'ha giugà soa prima partìa ant la Selession italian-a dël 1922 (3-3 con l'Àustria). A l'ha pijà part ai gieugh olìmpich dël 1924 e dël 1928.

Soa ùltima partìa a l'é stàita contra l'Àustria a j'11 ëd fërvé dël 1934. Con 59 presense a l'é stàit ël giugador con pì presense fin-a al 1971 quand a l'é stàit superà da Giacinto Facchetti.

Për 16 vire a l'é stàit capitan ëd la Selession.