Për amprende a dovré 'l sistema dle parlà locaj ch'a varda sì.
Statua ëd Giovanni Boccaccio (Firense, Ufissi)
Scritor an latin e an italian. Giovanni Boccaccio a l'era nassù a Certaldo ant ël luj dël 1313 e ambelelà a l'é mòrt ai 21 dë dzèmber dël 1375 e a l'é stàit sotrà.
A l'era fieul natural d'un banché fiorentin e a l'ha passà dij longh agn ëd formassion e dë studi ant ël sìrcol ëd litrà a la cort ëd Nàpoli.
A l'era amis ëd Francesco Petrarca e a l'ha mostrà grech a Firense.
A l'ha passà la fin ëd soa vita an sò domini ëd Certaldo.
Al moment ëd la granda epidemìa ëd pest dël 1348, set fomne e tre òm a chito Firense për trové n'abrì an campagna. A passo des di an quaranten-a, a balé, a fé festa e a contesse dle stòrie. As trata ëd fàule, d'alegorìe, d'anédot e ëd biografìe dròle, pijà da la tradission oral dël pòpol e dle cort o da dij manuscrit orientaj o fransèis. Costi tema tradissionaj a son arpijà an toscan. A na ven-o fòra sent conte ch'a smijo smon-e un tablò ogetiv e svicc ëd la vita e le costume toscan-e a cost'época, ch'a l'ha già dle caraterìstiche dj'inissi dl'Arnassensa.
Il Corbaccio (1354)
Trattatello in laude di Dante (1351-1373)
Esposizione sopra la Commedia di Dante (1373-1374)
Rime (1374)
Genealogia deorum gentilium, 1532
An lenga latin-a:
Bucolicum carmen (1349-1367)
Genealogia deorum gentilium (1350-1367)
De montibus, silvis, fontibus, lacubus, fluminibus, stagnis, seu paludibus et de nominibus maris liber (1355-1375)
