Fraconàut

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Fraconàut     Stat: Italia Region: Piemont Provincia: Provincia ëd Lissandria Nòm 'n italian: Fraconalto Coordinà: Latitudin: 44° 35′ 30.8′′ N Longitudin: 8° 52′ 40.8′′ E Autëssa: 725 m s.l.m. Surfassa: 17,62 km² Abitant: 326 (2017) Comun dj'anviron: Busalla (GE), Campomorone (GE), Mignanego (GE), Ronco Scrivia (GE), Votagio CAP: 15060 Prefiss tel.: 010 Còdes ÌSTAT: 006069 Còdes fiscal: D559  Sant protetor: Madòna dla Salute e dla Pas  Festa dël borgh: prima dumìnica ëd luj  Sit istitussional Fraconàut (Fraconalto an italian, Fiacon an lìgure) a l'é un comun dël Piemont ëd 326 abitant , ant la provinsa ëd Lissandria. As treuva aj confin con la Liguria ant l'àuta val dël torent Lèm, che da l'Apenin Lìgure a cala giù për la provinsa 'd Lissandria fin a campesse ant l'Òrba. Stòria La cesa 'd Fraconàut La region montagnosa anté ch'as treuva Fraconàut a l'é stàita abità fin da la Preistòria da tribù Ligurin-e che a portavo an pastura lor strop e ch'a combatìo për ël possess dij pasché pì bon. A l'é probàbil ch'ël pais a sìa sorzù dël sécol ch'a fa X an sla strà ch'an época roman-a a l'era conossùa com Via Postumia e ch'a colegava Génoa a la pian-a dël Pò an passand për lë vzin Pass ëd la Bochëtta. Doi rocafòrt a dësfendìo la strà a protession dij mercant e dij rotié ch'a traversavo j'Apenin. Dël 1121 un document a nòmina për la prima vira ël pais, an essend Fraconàut stàit ocupà dai Genoèis ch'a l'avrìo peui passalo an feod e controlalo për setsent agn. Dël 1536 un diplòma dl'imperator Carl VI a conferma Fraconàut e l'Oltragiov coma possess ëd Génoa e dël 1544 a ven-o aprovà ij Lìber Statut: j'abitant ëd Fraconàut a podìo elege sò Cónsoj e goernesse daspërlor sensa l'intervent diret ëd la Repùblica 'd Génoa. Dël 1625 ël pais a l'é sota atach da part ëd le trupe sabàude 'd Carl Emanuel I e dij fransèis, ant ël tentativ ëd conquisté Génoa. Dël sécol apress l'istess but a sarà portà anans pì vòte da le trupe austrìache. Dël 1797 Fraconàut a ven a fé part ëd la Repùblica Lìgure prima e dl'Imperi Fransèis ëd Napoleon Bon-a-part peui. Dël 1815 la Liguria a passa al Regn ëd Sardëgna e dal 1819 al 1859 Fraconàut a farà part ëd la Provinsa ëd Neuve, sota la Division ëd Génoa e ant ël mandament ëd Gavi. Dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859) a passa ansema a tut ël Circondari ëd Neuve a la Provinsa ëd Lissandria e al Piemont. Nòm Ël pais a l'é ciamase Fiaccone fin al 1927. Aministrassion Ël sìndich a l'é Francesco Di Vanni (dal 26/05/2014). Anliure esterne Sit istitussional Arferiment Panorama dla frassion Castagneula

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi