Scots

	Scots; (sco)
Poéis	Roéyôme-Uni
Région	Écosse (Lowlands),; Irlinde du Nord
Nompe eud'locuteus	≈ 1 500 000
Langue offichièle
Code deul lingue	sco
famille	; - langues indo-européennes; - langues germaniques; - langues germaniques occidentales; - langues anglo-frisonnes; - scots
typologie	SVO, Langue flexionnelle, Langue accusative, Langue accentuelle, Langue à accent d'intensité
Égzimpe	Artike prumier d'el Déclaracion univarselle d'chés droets de l'honme ; ; Airticle 1; ; Aw human sowels is born free and equal in dignity and richts. They are tochered wi mense and conscience and shuld guide theirsels ane til ither in a speirit o britherheid.

Ech scots ch'est eune langue djermanike inglo-frisone pérlèe in Écosse et pi in Irlinde du Nord ( edou qu'chés gins sdvisent in Scots d'Ulster ).

I n' faut poin confonde el langue scots aveuc ch' gaélique écossais, eune lingue celtike étou dvisée in Ecosse, mis din chés Lowlands (Sud deuch poéyis ) comme ch'scots, mais dins chés Highlands (ch'Nord deuch poéyis).

Ch'scots est rconno comme eun lingue indigéne eud ch'Ecosse per sin governmint^[1], eun lingue régionale obin minoritére d'ch'Urope^[2], pi eun lingue vulnérabe per ch'UNESCO.^[3] Per ch'ercinsmint ecossé eud 2011, pu d'1.5 millon d'gins is ont déclèré povoèr s'dviser ch'scots.^[4]

Nom

Chés locuteus lonment a mzure leu lingue braid scots, obin scotch in Irlinde deuch Nord, obin coére Lallans.

Histoére

Ch'viul inglé deuch Nortumbrie l'étoait dinch Sud-Est deuch tiére qu'est innui ch'Ecosse attendi ch'VIIe sièke. A ch'timps-lo, ch'court d'Ecosse ale sdvisoait ch'moéyin irlandé, pi i n'y avoait mis granmint d'locuteus d'autes lingues dinch région dusqu'a ch'XIIIe sièke. Ch'viul inglé o cangé avé ch'timps per dvnir ch'viul scots dinch Sud-Est eud ch'Ecosse, a ceuse eud ch'influince d'chés lingues scindinaves. Enmi chés autes influences su ch'scots, i o ch'latin d'Eglise, ch'neurmind pi ch'frinché ( a ceuse deuch Auld Alliance) pi eun molé d'influinches nirlindése via ch'commerce.