| Fecha di fundashon òf kreashon | 21 yanüari 2011  |
|---|---|
| Fecha di publikashon | 2011 |
| Evento notabel | access restriction |
| Distribuí pa | Google Play, App Store |
| Desaroyadó | Tencent, Zhang Xiaolong |
| Plataforma | Universal Windows Platform, web page |
| Operating system | iOS, Android, Microsoft Windows, Windows Mobile, macOS |
| Lenguahe di programa | C++ |
| Issue tracker URL | https://kf.qq.com/product/weixin.html |
| Phone number | +86-95017, +86-10690700367 |
| Wèpsait ofisial | https://www.wechat.com |
| Terms of service URL | https://www.wechat.com/en/service_terms.html, https://weixin.qq.com/agreement |
| Polisa di privacidad | https://www.wechat.com/en/privacy_policy.html |
| Licencia di derecho di autor | proprietary license |
| Status di derecho di autor | protehi pa derecho di autor |
WeChat (微信, Weixin) ta un ret sosial riba internet i un app di kòmbersashon di e kompania chines Tencent. E app di chat a keda lansá na 2011. E ta komparábel ku un kombinashon di Twitter, Facebook i WhatsApp.
WeChat ta hasi posibel pa paga pa servisio i merkansia, manera kumpra un pasashi di avion òf pidi un taksi.[1] Esaki ta hasi WeChat muchu mas ekstenso ku e servisionan komparábel di Facebook i WhatsApp.[2] Ademas, e app ta dependé bastante riba e uso di kódigonan QR.[3] E kódigonan QR aki por wòrdu usá pa agregá kontaktonan i paga den tienda.
Uso
[editá | editá fuente]Na 2022, WeChat tabatin 1.2 bion usuario.[4] Di e 1.2 bion usuario, mas ku mitar ta dediká mas ku un ora i mei pa dia riba e app. E usuario promedio ta manda 74 mensahe pa dia.[4]
Karakterístikanan
[editá | editá fuente]WeChat tin e siguiente funshonnan:
- Chat;
- Graba mensahenan di bos;
- Yamada i yamada di video;
- Mantene un registrashon di tempu (timeline);
- Topa hende via di e funshon di Shake.
Paga:
- Bestel un taxi, kuminda òf bestel na supermerkado;
- Paga via WeChat pago;
- Kumpra krédito di yamada;
- Kumpra karchi di trein i pasashi di avion;
- Reservá hotèl.
Ademas, WeChat ta konektá na un kantidat grandi di app Chines ku por wòrdu usá via WeChat sin mester download kada app individualmente.[5]
Sensura
[editá | editá fuente]Na 2013 a anunsiá ku mensahenan mandá na chines a wòrdu filtrá i despues blokiá. Despues a drenta un mensahe ku mester kontrolaá e mensahe atrobe pasobra e tabata kontené palabranan limita y pues sensura. Esaki a sosodé den tur kaso, asta si e usuarionan tur dos tabata biba pafó di China. Den China, tur komunikashon ta wòrdu sensurá di tur manera. E siguiente dia, Tencent a deklará ku e asuntu a wòrdu resolvé mesora pa usuarionan internashonal di WeChat. E problema a wòrdu atribuí na e echo ku tur e servernan di WeChat tabata situá na China i pues tabata sometí na reglanan di sensura.[6][7][8]
Despues di e viktoria grandi di kandidatonan demokrátiko den e elekshonnan lokal di 2019 na Hong Kong, WeChat a sensurá mensahenan relashoná ku e elekshon.[9]
Na 2020, WeChat a sensurá mensahenan tokante e pandemia di corona.[10]
Fuente, nota i/òf referensia
|