Geoffrey Wever
Wak Wever (pagina di referensia) pa un otro nifikashon di e topiko.| Geoffrey Wever | ||
|---|---|---|
| ||
| Informacion basico | ||
| Nomber completo | Geoffrey Brian Wever | |
| Nacemento | 18 di december 1980 Almelo, Hulanda | |
| Pais |  Aruba
| |
| Funcion actual | Minister di Asuntonan Economico, Comunicacion y Desaroyo Sostenible | |
| Desde | 20 di september 2021 | |
| Partido | RAIZ (te 8 di october 2024) | |
| Funcion | ||
| 2021 (juli-september) | Miembro di Parlamento di Aruba | |
| [Edita Wikidata] · [Manual] | ||
Geoffrey Brian Wever (☆ 18 di december 1980 na Almelo (Hulanda)[1] ta un hurista y politico Arubiano. E ta minister demisionario di Asuntonan Economico, Comunicacion y Desaroyo Sostenible den gabinete Wever-Croes II.
Bida y carera
[editá | editá fuente]Despues di a caba VWO na Colegio Arubano Geoffrey Wever a studia na Vrije Universiteit Amsterdam, graduando prome den ley notarial na 2005 sigui pa ley fiscal na 2006.[1] Su experiencia laboral a start como fiscalista na Sprigthoff na Hulanda. Ora el a yega Aruba el a traha como abogado na bufete Croes, Wever & Tchong te na aña 2014. Despues el a cuminsa duna les na Universidad di Aruba den e facultad financiero-economico, riba derechonan comercial. Tambe den e facultad di ley y proceduranan civil. E tabata partner den e bufete di abogado De Cuba Wever di 2015 te 2021.[1]
Na aña 2021 el a uni na e partido politico RAIZ y den su prome salida a logra no menos di 1430 voto individual. Di juli pa september 2021 e tabata miembro di Parlamento di Aruba y lider di fraccion di RAIZ. Dia 20 di september el a huramenta como minister den gabinete Wever-Croes II. Wever a impulsa iniciativanan dirigi na transforma Aruba su economia den uno mas sostenibel y inclusivo, manera e programa di Agri-Business Academy. Tambe el a enfatisa riba e importancia di alinea desaroyo di Aruba cu e Metanan di Desaroyo Sostenible di Nacionnan Uni (SDG).
Dia 8 di october 2024 Wever a tuma retiro di partido RAIZ, sinembargo a keda di completa su termino como minister den e gabinete demisionario.[2] Cuater dia despues e ta anuncia di lo lidera partido FUTURO hunto cu Gerlien Croes.[3]
Fuente, nota i/òf referensia
|