Dia di Tata

Nòmber duná di	tata
Ta konmemorá	tata
Hashtag	FathersDay, Vatertag

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Dia di Tata ta un dia festivo pa honra tatanan i pa selebra paternidat i e importansia di lasonan paternal pa loke ta trata e edukashon i kuido di nan yunan. Na mayoria di e paisnan ront mundu, inkluso den Reino Hulandes, ta selebrá e dia riba e di tres djadumingu di yüni. E dia festivo a originá for di Dia di Mama.

Historia

Supuestamente Dia di Tata a wòrdu introdusi dor di Sonora Smart Dodd di estado Washington, pa honra su tata, William Jackson Smart, na 1909. E tabata un veterano di Guera Sivil merikano, ku a bira viudo ora su señora a muri dunando lus na nan di seis yu. Despues di bira grandi i inspirá pa Anna Jarvis ku a lansa Dia di Mama un aña promé, su yu muhe a introdusi Dia di Tata pa enfoka riba e forsa i perseveransia di su tata.

E promé Dia di Tata a tuma lugá dia 19 di yüni 1910 na Spokane, estado Washington. Na 1924 Presidente Calvin Coolidge a apoyá e idea pa selebra Dia di Tata, sinembargo e Kongreso merikano, konsistiendo kompletamente di hende homber, no tabata kier pa algo asina ta aplikabel pa hende homber. Resultado tabata ku numa bou di presidensia di Richard Nixon na 1971 e dia ta wòrdu rekonosí ofisialmente na Merka.

Generalmente e tradishon oropeo katóliko lo a konmemorá e dia riba 19 di mart, dia di San José, tata di Jesus. Sinembargo, varios pais oropeo (manera Fransia i Reino Uni) i mayoría di e paisnan iberoamerikano, a adoptá e fecha merikano, pues selebrando e dia festivo aki riba e di tres djadumingu den luna di yüni.

Teritorio karibense di Reino Hulandes

Segun anunsionan den media skibí a kuminsa selebra Dia di Tata na Antias Hulandes den dekada 30 di siglo binti. Den añanan sinkuenta empresanan a yuda popularisá e dia di selebrashon entre otro dor di merkadea produktonan komo regalo spesial pa tata i ofresiendo, meskos ku e dianan festivo di fin di aña, deskuento riba yamada telefóniko ku Hulanda i Sürnam.^[1] Añanan sesenta i despues e selebrashonnan a ekspande pa e seno di asosiashonnan i klupnan sosial, partikularmente na Aruba i Kòrsou i a kuminsa organisa diferente actividat deportivo i rekreativo familiar pa Dia di Tata. Na e Islanan ABC e no ta un dia liber públiko.

Na Hulanda tabata selebrá e dia den oktober desde aña 1937.^[2]^[3] Na 1948 a disidí pa move e selebrashon pa e di tres djadumingu di yüni.^[4]

Kalendario segun pais

Fecha	Pais
19 di mart	Angola Bélgika: solamente region di Antwerpen Bolivia Honduras Italia Kroatia Liechtenstein Mozambique Portugal Spaña
8 di mei	Sur Korea (dia di mayornan: ta selebra tur dos mayor e mesun dia)
di dos djadumingu di mei	Rumania
riba dia di Asunshon	Alemania
5 di yüni	Dinamarka
promé djadumingu di yüni	Lituania Suisa
di dos djadumingu di yüni	Bélgika (pafor di region di Antwerpen) Austria
di tres djadumingu di yüni	Albania Algeria Argentina Aruba Bahamas Bahrein Bangladesh Barbados Belarus Belize Bermuda Bosnia Herzogovina Brunei Bulgaria Burkina Faso Canada Chile China Colombia Costa Rica Cuba Chipre Ecuador Estadonan Uni di Amérika Filipinas Fransia Georgia Ghana Gresia Guyana Hapon Hong Kong Hulanda (inkl. islanan BES) Hungria India Irlanda Jamaica Kenia Kòrsou Kuwait Laos Macao Madagascar Malaysia Mali Malta Maroko Maroko Mauretania Maurisio Mexico Namibia Nigeria Oman Pakistan Panama Paraguay Peru Qatar Reino Uni Senegal Sierra Leone Singapura Slovakia Sur Afrika Sürnam Suisa Tanzania Trinidad i Tobago Tunisia Turkia Uganda Venezuela Vietnam Zambia Zimbabwe
21 di yüni	Egipto Emiratonan Arabe Uní Hordania Líbano Siria Sudan
23 di yüni	Template:NGU Nicaragua Polonia
ultimo djadumingu di yüni	Haiti
ultimo djadumingu di yüli	Republika Dominikano
8 di ougùstùs	Mongolia Taiwan
di dos djadumingu di ougùstùs	Brasil Template:SMA Samoa
promé djadumingu di sèptèmber	Australia Nueva Zelandia
3 di òktober	Luxemburg
di tres djadumingu di sèptèmber	Ukrania
di tres djadumingu di òktober (desde 2021)	Rusia
12 di novèmber	Indonesia
di dos djadumingu di novèmber	Estonia Finlandia Noruega Islandia Suesia
5 di desèmber	Tailandia (kumpleaño di e rei)

Mira tambe

Dia di Mama

Fuente, nota i/òf referensia

↑ Vaderdaggesprekken. Amigoe (6 yüni 1951). Konsultá dia 15 yüni 2022.
↑ Gedicht Waarom geen vaderdag?. Nieuwe Tilburgsche Courant (12 mei 1936). Konsultá dia 15 yüni 2022.
↑ Advertentie. Leeuwarder Nieuwsblad (1 òktober 1937). Konsultá dia 15 yüni 2022.
↑ Internationale vaderdag. Nieuwsblad van Friesland (11 yüni 1948). Konsultá dia 15 yüni 2022.

[1] Vaderdaggesprekken. Amigoe (6 yüni 1951). Konsultá dia 15 yüni 2022.

[2] Gedicht Waarom geen vaderdag?. Nieuwe Tilburgsche Courant (12 mei 1936). Konsultá dia 15 yüni 2022.

[3] Advertentie. Leeuwarder Nieuwsblad (1 òktober 1937). Konsultá dia 15 yüni 2022.

[4] Internationale vaderdag. Nieuwsblad van Friesland (11 yüni 1948). Konsultá dia 15 yüni 2022.

[1]

[2]

[3]

[4]