Corupcion politico

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

korupshon polítiko

Supkategoria di	corruption, crime
Studiá pa	political ethics

Corupcion politico ta un fenomeno criminal cu ta consistí di accionnan intencionalmente incorecto di funcionario publico y autoridadnan di gobierno, generalmente den colaboracion, of bou instruccion of presion di personanan natural pafor di gobierno, compania priva o stranhero y gruponan di poder, haciendo uzo di e recursonan estatal na cua nan tin acceso, pa obtene un beneficio ilegitimo, generalmente den secreto.

Definicion y forma

Atraves di tempo, corupcion a wordo defini diferente. Por ehempel, den un contexto simpel, no ta etico pa acepta un regalo mientras bo ta den servicio di gobierno of ta actua como su representante. Cualkier regalo gratis por wordo construi como un scema pa atrae e destinatario pa algun prehuisio. Den mayoria caso, e regalo ta wordo mira como un intencion pa busca cierto fabornan manera promocion di trabou, tip pa asina gana un contrato, trabou of exoneracion di cierto tareanan den caso di trahador jong cu ta entrega e regalo na un empleado senior cu por ta clave pa obtene e fabor.

Tin un variacion di tiponan di corupcion, cu por inclui soborno, lobbymento, extorcion, "friends & family" (cronismo), nepotismo, co-optacion, evacion fiscal, parochialismo, patronahe, bendemento di influencia, fraude, malversacion, impunidad y despotismo. Corupcion por facilita actonan criminal manera traficacion di droga, labamento di placa y traficacion di hende, aunke e no ta limita na e actividadnan aki.

Mapa mundial cu e Indice di Corupcion Percibi (CPI) na 2023; un score halto ta indica un nivel mas abou di corupcion percibi.

■ 100 – 90

■ 89 – 80

■ 79 – 70

■ 69 – 60

■ 59 – 50

■ 49 – 40

■ 39 – 30

■ 29 – 20

■ 19 – 10

■ 9 – 0

■ No tin dato

Algun forma di corupcion, cu awor yama “corupcion institucional”, ta wordo distingui for di soborno y otro tipo di ganashi personal obvio. Por ehempel, cierto institucionnan estatal por actua consistentemente contra e interes publico, manera door di haci maluso di fondonan publico pa nan propio interes, of door di participa den comportacion ilegal of inmoral sin castigo. Soborno y actonan criminal abierto di parti di individuonan no necesariamente por ta evidente, pero e institucion sinembargo ta actua inmoralmente den su totalidad. E fenomeno di un estado mafioso ta un ehempel di corupcion institucional.

Un acto ilegal di un titular di gobierno ta constitui corupcion politico solamente si e acto ta directamente relaciona cu su tareanan oficial, ta wordo haci bou di aparencia legal of ta encera negoshi di influencia. Actividadnan cu ta constitui corupcion ilegal ta diferencia dependiendo di pais of hurisdiccion. Un ehempel ta cu algun practica di financiamento di partido politico cu ta legal na un luga y ilegal na un otro luga. Otro ehempel ta ora funcionarionan di gobierno tin podernan amplio of mal defini, loke ta haci'e dificil pa distingui entre actonan legal y ilegal. Mundialmente, ta calcula cu soborno so ta encera mas cu 1 trilyon dollar Mericano anualmente. Un estado di corupcion politico sin freno ta conoci como un kleptocracia, cu ta nifica literalmente “gobernacion di ladronnan”.

Purba di influencia votadonan door di priminti cosnan gratis, facilidad of fabornan na un grupo particular di sociedad (segun rasa, religion, nivel economico etc.) tambe ta un tipo di corupcion politico. Kisas e nivel di mas halto di corupcion ta sucede ora cu soborno ta wordo paga door di casnan comercial pa haci politica estatal dobla den nan direccion.

Un antidoto bon conoci pa corupcion politico ta transparencia.

Mira tambe

• Lista di politico condena den Caribe Hulandes

Fuente, nota i/òf referensia