Sciéncia militara
Lei sciéncias militaras son un ensemble d'aplicacions dei teorias e dei principis scientifics au domeni militar. Es un ensemble fòrça divèrs car lei sciéncias son utilizadas dins mai d'un domeni de la preparacion, de la conducha a de la resolucion de la guèrra tant au nivèu estrategic que tactic. Pòdon èsser devesidas en quatre brancas principalas :
- lei sciéncias permetent de desvolopar lei capacitats dei tropas sus un teatre d'operacions ò sus lo prat batalhier. S'interèssa principalament a l'organizacion dei tropas e a la formacion dei militars.
- l'estudi dei concèptes e dei tecnicas qu'estúdia mai que mai l'istòria militara, la geografia militara e lei questions de doctrina e d'estrategia.
- l'estudi dei sistèmas militars que s'interèssa a la logistica, ai tecnologias e ai procès militars.
- lei sciéncias socialas liadas au fach militara que tractan generalament dau recrutament, dei veterans e l'integracion de l'armada au sen de la societat.