Sègle de Pericles

Los istorians nomenon lo sègle V AbC en Grècia antica lo sègle de Pericles en referéncia al celèbre òme politic e militar que foguèt, a quinze còps, estratègi d'Atenas. Se considèra que l'apogèu d'aquel periode se situa entre la fin de las guèrras medicas (en 448 AbC.) e segent los autors, la mòrt de Pericles en 429 AbC. o la fin de la guèrra de Peloponès, en 404 AbC.. A aquela epòca, Atenas èra considerada coma la capitala intellectuala, artistica e politica del monde occidental. Se ditz qu'es l'Edat d'Aur atenian.