Neutrinò
Lo neutrinò (var. neutrino[1]) es una particula elementària dau modèl estandard de la fisica dei particulas. Es un fermion d'espin ½, electricament neutre. Tres tipes diferents son coneguts a l'ora d'ara mai l'existéncia de neutrinós suplementaris es pas impossibla.
Son existéncia foguèt postulada per lo premier còp en 1930 per lo fisician Wolfgang Pauli (1900-1958) e foguèt confiermada en 1956. Pasmens, lei neutrinòs demòran totjorn mau coneguts e son un objècte major de la recèrca actuala en fisica dei particulas.