Galèrna
La galèrna qu'ei un fenomèn meteorologic subte dens lo Golf de Gasconha e las soas còstas sustot a la prima e en abòr, dab còps hòrts de vent de l'oèst au nòrd-oèst.
Qu'apareish los dias cauds e quiets qui l'arribada d'un front hred i ei acompanhada d'un cambiament brusc de la direccion e de l'intensitat deu vent. Lo cèu que vien alavetz escur en tot produsí's ua hòrta baisha de la temperatura, dinc a 10 °C, ua aumentacion rapida de la pression atmosferica e lo vent que pòt superar los 100 km/h. La mar que pòt viéner hòrta e las pluèjas cortas e intensas.
Aqueste fenomèn meteorologic extrèm que costè la vita a un sarròt de marinèrs.