Estève de Vinhòlas
Estève de Vinhòlas, mei conegut deu son chafre La Hira (Vinhòlas o Preishac[1], 1390 - Montalban, 11 de gener de 1443) que ho un òmi de guèrra gascon qui pelegè deu costat francés durant la Guèrra de Cent Ans. Que ho companhon d'armas de Joana d'Arc e qu'ensagè de la liberar arron que hosse presa per las òsts borguinhonas. A l'escadença d'aquesta operacion que ho pres peus anglés abans de s'escapar entà perseguir la guèrra.
Que ho nomat sénher de Montmorilhon.
A despart deu son hèit de guèrra e de la soa amistat dab Joana d'Arc e Joan Poton de Sentrailhas qu'ei destacat per la posteritat per duas autas causas : per aver pregat Diu de har per eth çò qu'avore hèit per Diu se hosse estat La Hira e se La Hira e hosse estat Diu, e tanben per'mor d'estar lo Vailet de còr dens lo jòc de cartas francés.