Dinastia dels Ptolemèus
La dinastia deus Ptolemèus, tanben coneguda com dinastia lagida, que regnè sus Egipte enter -305 e -30, sia enter la mort de Lissandre lo Gran (Alexandre lo Gran) e lo suicidi de Cleopatra VII, darrèra reina d'aqueta dinastia qui's èra considerada decendenta de Lagòs (en grèc Λαγóς), generau de Lissandre. A maugrat qui los Ptolemèus e bastín ua navèra capitala (Alexàndria) e qu'empleguèn la lenga grèga, que s'identifiquèn dab la cultura e la religion egipciana ; que bastín temples deu màgers com, per exemple, lo temple d'Òrus a Edfo. Lo temps d'aquesta dinastia que ho donc ua renavida culturau per Egipte (la bastida de la famosa bibliotèca qui cremè just a la fin d'aqueth periòde que'n ho la màger pròva). De destacar tanben, lo periòde lagide que de aus judius lo parat de tornar installar en Egipte on, segond la tradicion, setanta sages judius arrevirèn la Bíblia (a la demanda deu sobiran) exactament deus medish biais sens consultà's : atau que vadó la Bíblia deus Setanta.
Cartoche (aquiu qu'ei lo determinatiu per "rei") deus Ptolemeos (qu'i cau léger en ieroglifs fonetic : P-T-OA-L-M-I-I-S) :
|
Faraons de la dinastia lagida
[modificar | Modificar lo còdi]- Ptolemèu Ièr Sòter (Sauvador), de -305 dinc a -285
- Ptolemèu II, de -285 dinc a -246
- Ptolemèu III, de -246 dinc a -222
- Ptolemèu IV, de -222 dinc a -205
- Ptolemèu V Epifan, de -204 dinc a -180
- Ptolemèu VI, de -180 dinc a -145
- Ptolemèu VII, de -145 dinc a -144
- Ptolemèu VIII, de -144 dinc a -116
- Ptolemèu IX, de -116 dinc a -107, puish de -88 dinc a -81
- Ptolemèu X Alexandre, de -107 dinc a -88
- Ptolemèu XI Alexandre, en -80
- Ptolemèu XII Neòs Dionisòs (Navèth Dionisòs) o Aulèta (Lo flabutaire), de -80 dinc a -58, puish de -55 dinc a -51
- Bereniça IV, de -58 dinc a -55
- Cleopatra VII, de -51 dinc a -30
- Ptolemèu XIII Dionisòs, de -51 dinc a -47
- Ptolemèu XIV Filopatòr (aimant lo son pair), de -47 dinc a -44
- Ptolemèu XV Cesarion, de -44 dinc a -30
Monuments legats peus Lagides
[modificar | Modificar lo còdi]- la ciutat d'Alexàndria (Ptolemèu I) ;
- la ciutat de Ptolemaïda (Ptolemèu I) ;
- lo Far d'Alexàndria (Ptolemèu II) ;
- la bibliotèca d'Alexàndria ;
- lo temple d'Òrus a Edfó ;
- lo temple d'Isis a File ;
- lo temple d'Atòr à Denderah (Cleopatra VII e Ptolemèu XV Cesarion) ;
- lo temple de Sòbec e d'Aroeris a Kom Ombò.
|
Portal Egiptopèdia | Accedissètz dirèctament als articles de Wikipèdia concernent l'Egipte antica :
Istòria | Geografia | Organizacion politica | Faraon | Art | Mitologia | Dius | Vida vidanta | Bibliografia | Egiptològs | Lexic |